کۆمپانیای وولینگ (Wuling) ی چینی بە هاوبەشی لەگەڵ کۆمپانیای جەنەراڵ مۆتۆرزی ئەمریکی، ئۆتۆمبێلی نوێی شینگکوانگ 560 (Xingguang 560) یان لە جۆری SUV لە چین ڕاگەیاند.
ئۆتۆمبێلی شینگکوانگ 560 بە بژاردەی جیاوازی بزوێنەری (بەنزین، هایبرید و کارەبایی تەواو) دەخرێتە بازاڕەوە. ئەم ئۆتۆمبێلە لە “شیفرۆلێت ئیکوینۆکس” گەورەترە و نرخەکەی لە 8,581 دۆلارەوە دەست پێ دەکات.
جەنەراڵ مۆتۆرز هەوڵ دەدات لە ڕێگەی ئەم ئۆتۆمبێلە مامناوەندەوە بەردەوامی بە سەرکەوتنەکانی لە بازاڕی چین بدات. هەرچەندە کۆمپانیاکە زانیاری زۆری ئاشکرا نەکردووە، بەڵام ئۆتۆمبێلەکە بە تۆڕێکی پێشەوەی باریک و لایتێکی مایل کە گڵۆپی ڕۆژەکەی شێوەی پیتی (X) ی هەیە، دەناسرێتەوە.
تایبەتمەندییە فیزیکییەکان:
- درێژی: 4.745 مەتر (نزیکەی 0.091 مەتر لە شیفرۆلێت ئیکوینۆکس درێژترە).
- پانی: 1.850 مەتر.
- بەرزایی: 1.755 مەتر.
- ویلی تایەکان: 2.810 مەتر، ئەمەش وای کردووە ناوەوەی ئۆتۆمبێلەکە زۆر فراوان بێت.
دیزاینی ناوەوە:
ناوەوەی ئۆتۆمبێلەکە دیزاینێکی سادەی هەیە، خاوەنی داشبۆردێکی دیجیتاڵی و شاشەیەکی زانیاری و کاتبەسەربردنە کە دەوترێت قەبارەکەی 12.8 ئینجە.
جۆرەکانی بزوێنەر:
- بەنزین (تێربۆ): سارە 1.5 لیتر، هێزی 174 ئەسپ و کێشی 290 نیوتن مەتر، لەگەڵ گێڕی 6 سێرە یان
- هایبرید (PHEV): بەگوێرەی ڕاپۆرتە ناوخۆییەکان، بزوێنەری 1.5 لیتری لەسەرە و دەتوانێت تەنها بە کارەبا 78 میل (125 کم) بڕوات.
- کارەبایی تەواو: خاوەنی پاترییەکی 60 کیلۆوات-کاتژمێری و بزوێنەرێکی 134 ئەسپییە، کە مەودای بڕینی 311 میل (500 کم) تێدەپەڕێنێت (بەپێی پێوەری CLTC).
نرخەکان:
وولینگ نرخێکی سەرەتایی دیاری کردووە کە لە نێوان 8,581 بۆ 13,746 دۆلارە، بەڵام بڕیارە دواتر نرخەکان بەرز ببنەوە بۆ نێوان 9,155 بۆ 14,751 دۆلار.
