پەروەردەی سۆران تەواوی بەڕێوەبەری قوتابخانەکان سەرپشک دەکات ئەمڕۆ بەهۆی ناسەقامگیری کەشوهەوا لە ناوەندەکانیان بیکەنە پشوو.
بەڕێوەبەرایەتی پەروەردەی سۆران ڕایگەیاند، ”لە پێناو سەلامەتی گیانی قوتابیان، بە تایبەت گوندەکان و ئەو شوێنانەی کە بە پاس هاتوچۆی بۆ دەکەن، بەڕێوەبەری پەروەردەکان و تەواوی بەڕێوەبەری قوتابخانەکانی سنووری سۆرانمان ئاگادار کردووەتەوە و سەرپشک کراون لەوەی لە هەر شوێنێک پێویست بێت بیکەن بە پشوو”.
ئەمە لەکاتێکدایە شەپۆلێکی بارانبارین هەرێمی کوردستانی گرتووەتەوە و لە ئیدارەی گەرمیان بە هۆی مەترسی لافاوەوە ئەمڕۆ سێشەممەی کردە پشووی فەرمی.