لە کەرتی تابلێتەکاندا، ململانێی نێوان “سامسۆنگ” و “ئاپڵ” بەردەوامە. سەرەڕای لێکچوونی ڕووکەش، جیاوازییە گەورەکان لە تایبەتمەندییە ناوەکییەکاندا هەن کە دیاری دەکەن کام تابلێت بۆ کام بەکارهێنەر گونجاوترە.
قەبارە و دیزاین
سامسۆنگ: بژاردەی فراوانتر پێشکەش دەکات بە 4 قەبارەی جیاواز، لە 11.9 ئینچەوە تا 14.6 ئینچ (Galaxy Tab S11 Ultra)، ئەمەش بژاردەیەکی گەورەی دەستکەوتنی شاشەی گەورەتر دەدات. تایبەتمەندیی ناوەکیی وەشانە جیاوازەکان جیاوازن (بەتایبەت پرۆسێسەر).
ئاپڵ: پابەندە بە 2 قەبارەی سەرەکی (11 و 13 ئینچ). خاڵی بەهێزی ئەوەیە کە لە هەموو قەبارەکانی هەمان مۆدێلدا، هەمان پرۆسێسەر و ڕام بەدەست دەهێنیت، کە جێگیریی کارایی مسۆگەر دەکات.
دیزاین: هەردووکیان دیزاینێکی باریک و کوالیتیی دروستکردنی پێشەنگ و لێکچوویان هەیە.
کوالێتی شاشە و ئەزموونی بینین
سەرکەوتن بۆ سامسۆنگ: سامسۆنگ پشت بە شاشەی Dynamic AMOLED دەبەستێت بە ڕێژەی درێژی بۆ پانیی 16:11. ئەمە ئەزموونێکی بینینی سینەمایی ناوازە و ڕەنگی واقیعیتر دەدات و باشترە بۆ فرە-ئەپڵیکەیشن (کردنەوەی چەند بەرنامەیەک بەیەکەوە) لەسەر شاشە گەورەکان.
ئاپڵ: شاشەکانی “ئایپاد پرۆ” ڕێژەی چوارگۆشەیی زیاتریان هەیە (4:3)، کە لە ڕووی کوالێتیی ڕەنگ و گونجاندنی لەگەڵ فرە-ئەپڵیکەیشن (Multitasking) بەراورد بە “سامسۆنگ ئوڵترا” کەمترە.
کارایی پرۆسێسەر و سیستەمی کارپێکردن
سەرکەوتن بۆ ئایپاد پرۆ: “ئایپاد پرۆ” بەشێوەیەکی بەرچاو لە پرۆسێسەرەکانی “سامسۆنگ” (کە لە MediaTek و بۆ مۆبایلەکان تەرخانکراون) باشترە.
ئایپاد پرۆ پرۆسێسەرەکانی M5 (کە بۆ لاپتۆپ و کۆمپیوتەرەکان دروستکراون) بەکاردەهێنێت و نمرەی زۆر بەرز لە تاقیکردنەوەکانی کاراییدا بەدەست دەهێنێت (بۆ نموونە، 3720 لە GeekBench 6 لە بەرامبەر 2111 بۆ Galaxy Tab S11 Ultra).
سیستەم:
ئاپڵ: سیستەمێکی تایبەت بە “ئایپاد” (iPad OS) پێشکەش دەکات کە توانای بەڕێوەبردنی ئەپڵیکەیشنی پیشەگەری و جۆراوجۆری زیاتری هەیە.
سامسۆنگ: سیستەمی “ئەندرۆید”ی لەسەرە کە بە گشتی وەشێنێکی گونجێنراوی سیستەمی مۆبایلەکانە، و لە ڕووی توانای بەکارهێنانی پیشەگەرییەوە لاوازترە.
کێ براوەی کۆتاییە؟
براوەیەکی ڕوون نییە؛ هەڵبژاردنەکە بەندە بە پێداویستیی بەکارهێنەر:
هەڵبژاردنی ئایپاد پرۆ: ئەگەر پێویستیت بە بەهێزترین کارایی پرۆسێسەر، سیستەمێکی جێگیر و لێهاتوو، و باشترین ئەزموون بۆ کاری پیشەگەری بێت.
هەڵبژاردنی گالاکسی تاب ئێس 11 ئوڵترا: ئەگەر پێویستیت بە گەورەترین شاشە، باشترین کوالێتیی ڕەنگ و سینەمایی، و ئەزموونی بینین بێت.
تێبینی گرنگ: ئەگەر مۆبایلەکەت (ئایفۆن یان گالاکسی) سەر بە یەکێک لەم کۆمپانیایانە بێت، ئەوا گونجاندنی ئامێرەکان وایەرلێدەکات کە هەڵبژاردنی تابلێتەکەی ئەو کۆمپانیایە باشتر بێت.