وەزارەتی کارەبای عێراق ڕایگەیاند بە هۆی هێرشەکەی سەر کێڵگەی غازی کۆرمۆرەوە 1200 مێگاوات کارەبا لەدەستدراوە.
ئەمڕۆ پێنجشەممە، ئەحمەد موسا، وتەبێژی وەزارەتی کارەبای عێراق بە ئاژانسی هەواڵی عێراقییەی ڕاگەیاند، تۆڕی کارەبای عێراق 1200 مێگاوات کارەبای لەدەستدا بە هۆی ڕاگرتنی بەرهەمهێنانی غاز لە کێڵگەی غازی کۆرمۆر.
دوێنێ شەو هێرشێکی مووشەکی کرایە سەر کێڵگەی غازی کۆرمۆر و بەهۆیەوە 80٪ی کارەبای هەرێمی کوردستان کوژایەوە.
تا ئێستا حکومەتی عێراق هیچ هەڵوێستێکی لەسەر ئەو هێرشە ڕانەگەیاندووە.