حزبی دەعوەی ئیسلامی نووری مالیکی، ئەمینداری گشتی حزبەکەی بۆ وەرگرتنی پۆستی سەرۆکوەزیرانی عێراق کاندید کرد.
حزبی دەعوەی ئیسلامی لە ڕاگەیەنراوێکدا ئاماژەی بەوەکرد: بەکۆی دەنگی ئەندامانی ئەنجوومەنی شورای حزبی دەعوەی ئیسلامی، بڕیاریامدا نووری مالیکی، ئەمینداری گشتیی حزبەکە بۆ پۆستی سەرۆکوەزیران کاندید بکەین.
ئەمە لەکاتێکدایە نووری مالیکی، ئەمڕۆ بە سەردانێک گەیشتە هەولێر و ئێستا لە پیرمام لەگەڵ مەسعود بارزانی، سەرۆکی پارتی دیموکراتی کوردستان گفتوگۆ لەسەر سێ سەرۆکایەتییەکەی عێراق دەکەن و پێکهێنانی حکومەتی نوێی عێراق تاوتوێ دەکەن.