ئەمریکا هێڵی سووری لەسەر عێراق دانا

هۆشدارییەکی ئەمریکا هێڵی سوور بۆ عێراق دیاریدەکات و  واشنتۆن هاووڵاتییانی لە گەشتکردن بۆ عێراق و ٢٠ وڵاتی دیکە ئاگادار دەکاتەوە.

فەرمانگەی کاروباری کونسوڵگەری لە وەزارەتی دەرەوەی ئەمەریکا، هۆشدارییەکی نوێی بۆ هاووڵاتییانی وڵاتەکەی بڵاوکردەوە و داوای کرد لە گەشتکردن بۆ عێراق و ٢٠ وڵاتی دیکە خۆیان بەدوور بگرن.

لە ڕاگەیەندراوەکەی فەرمانگەکەدا هاتووە، کە هۆشدارییەکە بەهۆی بارودۆخی ناوخۆی ئەو وڵاتانە و هەروەها توانای سنوورداری ئەمەریکا بۆ یارمەتیدانی هاووڵاتییانی لەو شوێنانەدا دێت.

فەرمانگەکە جەختی لەوە کردەوە”ئەم شوێن و وڵاتانە مەترسیدارن و ڕەنگە بکەونە دۆخی مەترسییەوە.”

لیستی وڵاتە هۆشدارلێدراوەکان

ئەو ٢١ وڵاتەی کە فەرمانگەی کاروباری کونسوڵگەریی وەزارەتی دەرەوەی ئەمەریکا هۆشداری داوە لە گەشتکردن بۆیان، بریتین لە:

• عێراق

• ئێران

• سووریا

• لوبنان

• لیبیا

• یەمەن

• ڕووسیا

• ئۆکڕاینا

• ئەفغانستان

• بیلارووسیا

• بۆرکینا فاسۆ

• بۆرما

• کۆماری ئەفریقیای ناوەڕاست

• هاییتی

• مالی

• نەیجەر

• کۆریای باکوور

• سۆماڵ

• باشووری سوودان

• کۆماری سوودان

• ڤەنزوێلا