بڕیار درا کە لەمەودوا نۆرەگرتن بۆ سەرجەم مامەڵەکانی تایبەت بە کارتی نیشتمانی یەکگرتوو، تەنها لە ڕێگەی سیستمی ئەلیکترۆنی و ئەپڵیکەیشنی تایبەتەوە بێت.
بەپێی ڕاگەیەندراوە فەرمییەکان، هاوڵاتییان بۆ ئەنجامدانی سێ پڕۆسەی سەرەکی، دەبێت تەنها پشت بە ئەپڵیکەیشنی “عەین عێراق” (عين العراق) ببەستن:
دەرهێنانەوەی کارتی نیشتمانی (بۆ یەکەم جار).
نوێکردنەوەی کارتی نیشتمانی (دوای بەسەرچوون).
گۆڕینی کارتی نیشتمانی (لە پێناسی باری شارستانییەوە).
ئەم بڕیارە بە مەبەستی ڕێکخستنی پڕۆسەی نۆرەگرتن و کەمکردنەوەی قەرەباڵغی لە فەرمانگە پەیوەندیدارەکان و خێراکردنی خزمەتگوزارییەکان دراوە.
