ئۆتۆمبێلە کارەباییەکان پشت بە پاتری ١٢ ڤۆڵتی دەبەستن بۆ کارپێکردنی سیستەمە ئەلیکترۆنییە سەرەکییەکان و لە کاتی شەحنکردنی پاتریی سەرەکیی جووڵەدا شەحن دەکرێنەوە.
لەگەڵ دەستپێکی وەرزی زستاندا، دیمەنێکی بێزارکەر کە زۆرێک لە شۆفێران دەیزانن دووبارە دەبێتەوە، ئۆتۆمبێلەکە لە بەیانییەکی سارددا کار ناکات. لە کاتێکدا هەندێک پێیان وایە کێشەکە تەنها تایبەتە بە ئۆتۆمبێلە تەقلیدییەکان، یانەی ئۆتۆمبێلی ئەڵمانی جەخت لەوە دەکاتەوە کە پاترییەکانی دەستپێکردن لە زستاندا بە ڕێژەیەکی زۆر بەرز تێکدەچن، چ لە ئۆتۆمبێلە خاوەن بزوێنەری سووتانی ناوەکیدا و چ لە ئۆتۆمبێلە کارەباییەکاندا کە جگە لە پاتریی گەورەی جووڵە، پاترییەکی ١٢ ڤۆڵتی کلاسیکیشیان تێدایە.
ئامارەکانی تێکچوون ئاماژە بەوە دەکەن کە پاترییەکان زیاتر لە دوو هێندەی ڕێژەی ئاسایی تێکدەچن لە ماوەی نێوان تشرینی یەکەم-ئۆکتۆبەر و ئازار-مارس. هۆکارەکەش تەنها یەک تێکچوون نییە، بەڵکو تێکەڵەیەکە لە فاکتەرەکانی کەشوهەوای سەخت و زیادبوونی بەکاربردن لەناو ئۆتۆمبێلدا.
بۆچی پاتری لە سەرمادا لاواز دەبێت؟
شارەزایان ڕوونی دەکەنەوە کە کردارە کیمیاییەکانی ناو پاتری بە شێوەیەکی بەرچاو خاو دەبنەوە لەگەڵ دابەزینی پلەی گەرمیدا، ئەمەش توانای پاتری بۆ دابینکردنی وزە کەم دەکاتەوە. کێشەکە لەگەڵ زیادبوونی تەمەنی پاتریدا زیاتر دەبێت.
لە هەمان کاتدا، ئامێرەکانی ئاسوودەیی لەناو ئۆتۆمبێلدا -وەک گەرمکەرەوەی کورسییەکان، گەرمکەرەوەی شووشەی پێشەوە، گەرمکەرەوەی ئاوێنەکان، ڕووناکی، و مساحاتی شووشە- بڕێکی زۆر وزە بەکاردەبەن، ئەمەش دەبێتە هۆی دابەزینی خێرای شەحنی پاتری.
دوورییە کورتەکان.. مەترسییەکی زیادە
لە ئۆتۆمبێلە خاوەن بزوێنەری سووتانی ناوەکیدا، مۆلیدەی کارەبایی (دینامۆ) پاترییەکە لە کاتی لێخوڕیندا شەحن دەکاتەوە. بەڵام لە زستاندا، و لەگەڵ دووبارەبوونەوەی لێخوڕین بۆ دووری کورت، پاتری وزەیەکی زیاتر بەکاردەبات لەوەی کە دینامۆ دەتوانێت قەرەبووی بکاتەوە، و ئاستی شەحنی پاتری بە تدریج لەگەڵ هەر کارپێکردنێکدا دادەبەزێت.
بۆیە ئامۆژگاری دەکرێت کە بەکاربردنی ئامێرەکانی ئاسوودەیی تا دەکرێت کەم بکرێتەوە، لەگەڵ جەختکردنەوە لەسەر پێویستیی بەردەوام ئیشنەکردنی ئامێرەکانی سەلامەتی وەک ڕووناکی و فان.
نیشانەکانی لاوازیی پاتریی دەستپێکردن
زۆرجار شۆفێران لاوازیی پاتری بەم ڕێگایانە بەدی دەکەن:
خاوبوونەوەی کارپێکردنی بزوێنەر.
کاڵبوونەوە یان بریسکدانەوەی ڕووناکی ناوەوە و دەرەوە لە کاتی کارپێکردن.
تێکچوونی خزمەتگوزاریی کارپێکردن/ڕاگرتن (Start-Stop) لە پلەی گەرمیی بەرزتر لە ٣ پلەی سیلیزی، چونکە سیستەمەکە بە شێوەیەکی خۆکارانە لە سەرمای زۆردا دەوەستێت.
تاقیکردنەوە بۆ هەڵسەنگاندنی هێزی پاتری
مارک کێنیدی لە یانەی ئۆتۆمبێلی ئەڵمانی تاقیکردنەوەیەکی خێرا پێشنیار دەکات:
لەبەردەم گەراجێک یان دیوارێک بوەستە.
گڵۆپەکان هەڵبکە.
بزوێنەرەکە بکوژێنەرەوە.
چاودێری توندی ڕووناکییەکە بکە.
ئەگەر ڕووناکییەکە بە خێرایی کاڵ بووەوە، ئەوا ئەمە بە مانای ئەوە دێت کە پاترییەکە شەحنی لاوازە.
بۆ نوێکردنەوەی شەحنەکە، تەنها لێخوڕینی ئۆتۆمبێل بۆ زیاتر لە ٣٠ خولەک بە بەردەوامی بەسە، باشتر وایە لەسەر ڕێگا خێراکان یان لادێییەکان بێت، لەگەڵ کوژاندنەوەی هەر ئامێرێکی کارەبایی ناپێویست.
چی دەربارەی ئۆتۆمبێلە کارەباییەکان؟
کێنیدی ڕوونیشی دەکاتەوە، کە ئۆتۆمبێلە کارەباییەکان پشت بە پاتری ١٢ ڤۆڵتی دەبەستن بۆ کارپێکردنی سیستەمە ئەلیکترۆنییە سەرەکییەکان، و لە کاتی شەحنکردنی پاتریی سەرەکیی جووڵەدا شەحن دەکرێنەوە. ئەگەر ئاستی کارکردنی لاواز بوو، دەتوانرێت بە یارمەتی دەرەکی کارپێبکرێت و پاشان بە شێوەیەکی خۆکارانە لە ڕێگەی ئینڤێرتەری کارەباییەوە شەحن بکرێتەوە.
هەروەها دەتوانرێت پاتریی دەستپێکردن بە بەکارهێنانی شەحنکەرێکی گونجاو شەحن بکرێت، و زۆرجار پڕۆسەکە لە چەند کاتژمێرێکەوە تا نیوەی ڕۆژێکی دەوێت، بەپێی دۆخی پاترییەکە.
سەرچاوە: ئاژانسی هەواڵی ئەڵمانی