نرخی دراوی ئەلیکترۆنی بیتکۆین بەشێوەیەکی بەرچاو لە بازاڕەکانی جیهاندا دابەزی.
ئەمڕۆ سێشەممە، نرخی بیتکۆین بۆ 89 هەزار و 861 دۆلار دابەزی، ئەمەش یەکەمجارە لە مانگی نیسانی ڕابردووەوە دابەزینی لەو شێوەیە بەخۆوە ببینێت.
لە ماوەی 24 کاتژمێری ڕابردوودا بە بەهای 1.793 ترلیۆن دۆلار مامەڵە بەو دراوە ئەلیکترۆنییەوە کراوە.
بازرگانان پێیانوایە هێشتا شەپۆلی داکشانی نرخی بیتکۆین بەردەوامە و لە ئایندەدا دابەزینی زیاتریش بەخۆوە دەبینێت.