گرژی لەنێو بەرەی تورکمانی لە هەولێر بەرپرسی لق ئەندامێکیان بریندار دەکات.
بەپێی بەدواداچوونی تۆڕی میدیایی خەڵک، لەنێو بارەگای سەرەکی بەرەی تورکمانی لە هەولێر بەرپرسی لقی هەولێر و پاسەوانێکی هێرشیان کردووەتە سەر ئەندامێکی ناڕازی و برینداریان کردووە و دواتر ڕەوانەی نەخۆشخانە کراوە.
هۆکاری سەرەکی ڕووداوەکە، دەگەڕێتەوە بۆ کەمبوون و نەهێنانی دەنگی بەرەی تورکمانی لە هەولێر لە هەڵبژاردنەکاندا لە کاتێکدا لە زۆربەی شوێنەکانی دیکە دەنگیان زیادی کردووە، بەڵام لەهەولێر پاشەکشیەیان کردوە، بۆیە ئەو ئەندامانە بەرپرسی لقی هەولێر تۆمەتبار دەکەن و داوای ڕوونکردنەوەو دەست لەکارکێشانەوەی لێ دەکەن، ئەمەش دەبێتە هۆی ئەوەی بەرپرسی لقی هەولێری بەرەی تورکمانی و پاسەوانێکی لەیەکێک لەو ئەندامە ناڕازیانە بدەن برینداری بکەن.
گرژییەکە بەشێکی پەیوەستە بە ڕووداوێکی پێشوو لە 8ـی ئەم مانگە کاتێک دوو کەس ویستوویانە پۆستەری کاندیدەکان ببەن و پاسەوانێک بریندار دەبێت، دوای سێ ڕۆژ مانەوە لەنەخۆشانە و ئەو ڕووداوە بەرپرسی لقی هیچ پەیوەندییەکی نەکردووە و بێدەنگ بووە ئەمەش بووەتە هۆی ناڕەزایەتی ئەندامەکان کە ئێستا دەیانەوێت سکاڵای یاسایی لەسەر تۆمار بکەن.
ئەمەش لەکاتێکدایە لەسەرەتای بانگەشەوە بەرەی تورکمانی زۆر بەسستی بانگەشەی کردوە و کەمترین پۆستەری هەبووە بۆ ئەم هەڵبژاردنە، بۆیە ئەو ئەندامانە هۆکاری شکستی بەرەکە دەگەڕێننەوە بۆ کەمتەرخەمی و ئەنجام نەدانی بانگەشە بۆ بەرەی تورکمانی لەهەولێر.