پلەی گەرما نزم دەبێتەوە

کەشناسی هەرێمی کوردستان پێشبینی نزمبوونەوەی پلەی گەرما دەکات و ڕاشیدەگەیەنێت کە ئاسمان بە گشتی نیمچە هەور دەبێت.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ چوارشەممە، ئاسمان لە نێوان پەڵە هەور و نیمچە هەوردا دەبێت و لە هەندێک ناوچە دەگۆڕێت بۆ هەوری تەواو .

ئەوەشی خستەڕوو کە پلەی گەرما بەراورد لەگەڵ تۆمارکراوەکانی دوێنێ کەمێک نزم دەبێتەوە.

سەبارەت بە سبەینێ پێنجشەممەش ڕایگەیاند، ئاسمان نیمچە هەور دەبێت، پاشان دەگۆڕێت بۆ هەوری تەواو و گەرماش 1-2 پلە نزم دەبێتەوە.

بەرزترین پلەکانی گەرمای پێشبینیکراو بە پلەی سیلیزی

هەولێر : 27 پلەی سیلیزی

سلێمانی : 25 پلەی سیلیزی

دهۆک : 25 پلەی سیلیزی

زاخۆ : 26 پلەی سیلیزی

کەرکووک : 28 پلەی سیلیزی

هەڵەبجە : 24 پلەی سیلیزی

سۆران : 25 پلەی سیلیزی

حاجی ئۆمەران : 18 پلەی سیلیزی

گەرمیان : 28 پلەی سیلیزی