بزووتنەوەی گۆڕان گردی زەرگەتە لە بارەی پشتگیری کردن لە لیستێکی دیاریکراو بۆ هەڵبژاردنی پەرلەمانی عێراق ڕوونکردنەوە دەدات.
یاسین حەمە عەلی، ڕێکخەری ژوروی هەڵبژاردنی گۆڕان (گردی زەرگەتە) لە ڕوونکردنەوەیەکدا دەڵێت: “لە بەرنامەیەکی ڕاستەوخۆی تایبەت بە هەڵبژاردن ناوی بەندە هاتووە لەسەر پرسی هەڵبژاردن و پشتگیری کردن یا نەکردنی هەر لیست و لایەنێک”.
دەشڵێت: “لێرەوە ڕایدەگەیەنم کە ئەو بابەتە لە دوور و لە نزیک هیچ پەیوەندیەکی بە بەندەوە نییە، هیچ لێدوان و ڕوونکردنەوەیەکمان نەداوە بە ئاڕاستەی بایکۆت و بەشداری نەکردن لە پرۆسەی هەڵبژاردندا”<
ئەوەشی وتووە: “بەپێچەوانەوە داوامان لە هەڵسوڕاوان و هاونیشتیمانیان ئەوەیە بەشداری کارای پرۆسەی دەنگدان بکەن، دەنگ بدەن بەو لیست و کاندیدانەی کە نزیکن لە ڕێبازی نەوشیروان مستەفاو بەرنامەکەی بزووتنەوەی گۆڕانەوە”.