لە هەڵەبجە بەهۆی ڤیستیڤاڵی هەنارەوە دابەشکردنی نەوت ڕادەگیرێت.
قائیمقامیەتی پارێزگای هەڵەبجە ئاگادارییەکیان بڵاوکردەوە و تیایدا دانیشتووانی پارێزگاکە لە بڕیارێکی نوێی کاتی ئاگادار دەکەنەوە.
بەپێی ئاگادارییەکەی قائیمقامیەت، دابەشکردنی نەوتی ماڵان لە سنووری پارێزگای هەڵەبجە بۆ ماوەیەکی کاتی ڕادەگیرێت.
هۆکاری ڕاگرتنەکە دەگەڕێتەوە بۆ بەڕێوەچوونی فیستیڤاڵی هەنار و پاییزی هەڵەبجە، و قائیمقامیەت دەڵێت، قەرەباڵغی و هاتووچۆ زۆرە دەبێت لە ئەنجامی سەردانکردنی ژمارەیەکی زۆری میوان و گەشتیار بۆ ناوچەکە.
لە ئاگادارییەکەدا ئاماژە بەوە کراوە کە پڕۆسەی دابەشکردنی نەوت تەنها بۆ ماوەی ڕۆژانی فیستیڤاڵ ڕادەگیرێت و دوای تەواوبوونی فیستیڤاڵەکە، دابەشکردنەکە دەستپێدەکاتەوە.