سەرۆكی یەكێتیی نیشتمانی كوردستان لە كەركوكەوە ڕایگگەیاند، كەركوك بە دیموكراسی ڕزگاركراوە نەك بە جەنگ و دەشڵێت: ئەوەی وتمان پارێزگاری كەركوك وەردەگرینەوە و یەكێتییەك دادەنێین، كردمان.
بافڵ تاڵەبانی، سەرۆكی یەكێتی لە بانگەشەی هەڵبژاردن لە كەركوك وتی، “وەك ئەوەی وتمان یەكێتییەك دەكەین بە پارێزگار، كردمان و دوو ساڵ پێش ئێستا وتم بەجێتان ناهێڵم و كردمان و وتمان پارێزگاری كەركوك وەردەگرینەوە، كردمان”.
ڕاشیگەیاند، مامۆستایان و فەرمانبەرانی كەركوك لە هەرێمەوە مووچە وەردەگرن، بەڵام سیستمێك دادەنێین تاكو ڕاستەوخۆ لە بەغداوە مووچەیان بۆ بێت و ئیتر یاری بە گوزەرانیان نەكرێت.
وتیشی، “یەكێتی ئێستا لە هەموو كاتێك یەكڕیزتر و بەهێزترە و بەتایبەت لە كەركوك و بەرنامەی مام جەلال بۆ ئەم شارە جێبەجێ دەكەین”.
ئاماژەی بەوەشدا، حزب هەیە دوو كورسی هەیە تا ئێستتا هیچ شتێكی بۆ ئەم شارە نەكردووە و بانگەشەی حزب و كاندیدەكانی لە شوێننی دیكەوە دەكات، كەچی دەڵێت كەركوك وەردەگرینەوە، لە خەڵكی كەركوك دەپرسم لە دوای ڕاپەڕینەوە پارتی چی بۆ كەركوك كردووە؟
جەختیشی كردەوە، كەركوكمان كردە شاری پێكەوەژیان و ڕێز لە مافی هەموو پێكهاتەكان دەگرین و كەركوك بە دیموكراسی ڕزگار كراوە نەك بە جەنگ.
بافڵ تاڵەبانی وتیشی، “خوێندكارانی كەركوك دەبێت بە كوردی بخوێنن و ئەوەش لە دەستووردا جێگیر كراوە.