سەرۆكی یەكێتیی نیشتمانیی كوردستان ڕایدەگەیەنێت، هەر بەڵێنێکمان بەخەڵکە خۆشەویستەکەی خۆمان دابێت جێبەجێی دەکەین، چونکە یەکێتی هێزی جێبەجێکردنی بەڵێنەکان و بەدیهێنانی خواستی هاونیشتمانییانە.
بافڵ جەلال تاڵەبانی، سەرۆکی یەکێتیی نیشتمانیی کوردستان لە سلێمانی لەگەڵ رەفعەت عەبدوڵا، جێگری سەرۆکی یەکێتی کۆبووەوە و لە کۆبوونەوەکەدا سەرۆکی یەکێتی جەختی لە جێبەجێکردنی بەڵێنەکان کردەوە.
بەپێی ڕاگەیەنراوی نووسینگەی سەرۆكی یەكێتی، لە کۆبوونەوەکەدا هەنگاوەکانی بانگەشەی هەڵبژاردنی یەکێتی و سەرخستنی لیستی 222 تاوتوێکرا و سوپاس و پێزانینی بێپایان ئاڕاستەی کۆمەڵانی خەڵک و چین و توێژەکان کرا لە بەرامبەر بەشداریی کارایان لە کەرنەڤاڵەکاندا.
بەپێی ڕاگەیەنراوەكە، “دەستخۆشی و پێزانین ئاڕاستەی سەرجەم هەڤاڵانی یەکێتی لە بازنە و ئۆرگانەکان کرا، کە خەمخۆرانە و وەفادارانە بۆ رێبازی سەرۆک مام جەلال و خزمەتکردنی زیاتری خەڵک لە ئەرکدان، هەروەها تەواوی هەڤاڵانیش راسپێردران بەرنامە و کارەکانیان زیاتر بخەنە خزمەتی گشتی”.
لای خۆیەوە بافڵ جەلال تاڵەبانی ڕایگەیاند، هەر بەڵێنێکمان بەخەڵکە خۆشەویستەکەی خۆمان دابێت جێبەجێی دەکەین، چونکە یەکێتی هێزی جێبەجێکردنی بەڵێنەکان و بەدیهێنانی خواستی هاونیشتمانییانە.