وەزارەتی دارایی و ئابووری هەرێم ڕایگەیاند، لەلایەن وەزارەتی دارایی عێراقەوە پارەی مووچەی مانگی هەشتی فەرمانبەرانی هەرێم خرایە سەر هەژماری وەزارەتی دارایی و ئابووری هەرێم.
وەزارەتی دارایی و ئابووری هەرێمی کوردستان بڵاویکردەوە: ئەمڕۆ یەکشەممە، بڕی 945 ملیار و 817 ملیۆن دینار وەک تەمویلی مووچەی مانگی ئابی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان لەلقی هەولێری بانکی ناوەندی عێراق.
چاوەڕوان دەکرێت ئەمڕۆ وەزارەتی دارایی و ئابووری هەرێم لیستی مووچە بڵاوبکاتەوە و تا کۆتایی ئەم هەفتەیە تەواوی مووچەخۆران مووچەی مانگی هەشت وەربگرن.