وەزارەتی پەروەردە و تەندروستی هەرێم كۆمەڵێك ڕێكاریان بۆ پاراستنی تەندروستی خوێندكاران دیاری كردووە ئەویش بە دانان و دیاری كردنی خواردنە ڕێپێدراو و قەدەغەكراوەكان لە خواردنگە “حانووت”ی خوێندنگەكان.
خوێندنگەی باستانی بنەڕەتی لە سلێمانی لە پەیامێكدا بۆ دایکان و باوکان ئاماژەی بەوەكردووە، كە دەبێت بزانن لە فرۆشگای خوێندنگەكان چی دەفرۆشرێت بە منداڵەکانیان و دەبێت ئاگاداربێ لەوەی هەندێک خواردنی دوکان و فرۆشگاکان منداڵەکانیان بەرەو توشبوون بە شێرپەنجە دەبات .
دەشڵێت: ڕۆژانە لە منداڵەکەت بپرسە بزانە لە خوێندنگە چی دەخوات؟ ئەگەر یەکێک لەو خواردنانەی تێدابوو لایەنی بەرپرس ئاگادار بكەرەوە .
ئەو خوێندنگەیە لیستی خواردنە ڕێپێدراو و قەدەغەكراوەكانی بڵاوكردۆتەوە، كە دەبێت فرۆشگاکانی خوێندنگەكان پێیەوە پابەندبن:
