هەنار یەکێکە لە بەناوبانگترین میوە پاییزییەکان کە بۆ تەندروستی بەسوودە، بە تامی شیرین و ترشی تیژ ناسراوە، و دژەئۆکسانەکان، ڤیتامینەکان، و کانزاکان بە جەستە دەبەخشێت کە پشتگیری دڵ، پێست، و بیرەوەری دەکەن.
ماڵپەڕی “فێری وێڵ هێڵس”، بە پشت بەستن بە توێژینەوە و لێکۆڵینەوە زانستییەکان، چەندین سوودی هەناری خستووەتە ڕوو وەک کەمکردنەوەی هەوکردن، پاراستن لە شێرپەنجە، و پشتگیریکردنی تەندروستی بیرەوەری و پێست.
تۆوەکانی هەنار کالۆرییان کەمە، جگە لە ڤیتامین و کانزاکان، دژەئۆکسانەکان و ڕیشاڵەکان.
تۆوەکانی هەنار، یان توێکڵەکەی، یان شەربەتەکەی دەگۆڕێن بۆ پێکهاتەیەک کە بە “یورۆلیسینات” ناسراوە، کە ماددە دژە-هەوکردنن و بەشداری دەکەن لە خاوکردنەوەی پیری و بەهێزکردنی تەندروستی دڵ.
هەروەها هەندێک لێکۆڵینەوە سەلماندوویانە کە خواردنەوەی شەربەتی هەنار نیشانەکانی هەوکردن کەمدەکاتەوە، کە هۆکاری سەرەکییە لە تووشبوون بە نەخۆشییەکانی دڵ، شەکرەی جۆری دووەم، و شێرپەنجە.
پاراستنی دڵ
خواردنەوەی شەربەتی هەنار ڕۆژانە یارمەتی کەمکردنەوەی پەستانی خوێن دەدات، لە ڕێگەی کەمکردنەوەی کۆلیسترۆڵی زیانبەخش و هەوکردنەکان.
تەندروستی ڕیخۆڵەکان
هەنار پشتگیری بەرهەمهێنانی مایکرۆبی ڕیخۆڵەیی دەکات کە پێویستە بۆ کرداری هەرس، هەروەها دەیپارێزێت لە هەندێک نەخۆشی هەرسکردن.
تەندروستی پێست
لێکۆڵینەوەیەک کە ماوەی ١٢ هەفتەی خایاند، ئاشکرای کرد کە خواردنەوەی شەربەتی هەنار لە پیری و شێرپەنجەی پێست دەپارێزێت، چونکە توانای پێست بۆ بەرگەگرتنی تیشکی سەروو وەنەوشەیی زیاد دەکات.
باشترکردنی بیرەوەری
دژەئۆکسانەکانی ناو هەنار پشتگیری بیرەوەری دەکەن لەگەڵ چوونە پێش لە تەمەندا.
توێژینەوەکان دەریانخستووە کە ماددە خۆراکییە ڕووەکییەکانی ناو هەنار ماندووبوونی ئۆکسێنەر (الإجهاد التأكسدي) لە مێشکدا کەمدەکەنەوە، ئەمەش لە ئەلزایمەر دەیپارێزێت، و پشتگیری بیرەوەری کورتخایەن و درێژخایەن دەکات.
پاراستن لە شێرپەنجە
تۆوی هەنار لە هەوکردن دەپارێزێت و گەشە و بڵاوبوونەوەی لووە شێرپەنجەییەکان خاو دەکاتەوە، بەتایبەتی لە قۆناغە سەرەتاییەکانی هەندێک جۆری شێرپەنجەدا.
توێژەران لە ئێستادا لێکۆڵینەوە لەسەر ڕۆڵی تێکەڵە و تەواوکەرەکانی هەنار دەکەن لە خۆپاراستن لە شێرپەنجە و پشتگیریکردنی چارەسەرەکەیدا.
کەمکردنەوەی ئازاری جومگەکان
هەنار بەهۆی تایبەتمەندییە دژەئۆکسان و دژە-هەوکردنەکانییەوە، ئاوسان و ئازاری جومگەکان کەمدەکاتەوە و لە نەخۆشی پووکانەوەی ئێسک (هەستیاری ئێسک) دەپارێزێت.
کەی پێویستە لە خواردنی هەنار دوورکەوینەوە؟
سەرەڕای سوودە زۆرەکانی، بەڵام هەنار لەوانەیە زیانی لاوەکی بۆ هەندێک کەس هەبێت:
- ئەو کەسانەی کە دەرمانی کۆلیسترۆڵ، دژە-مەیین (مضادات التخثر)، یان دەرمانی ڕێکخستنی لێدانی دڵ، یان کەمکردنەوەی پەستانی خوێن دەخۆن، چونکە ئەم میوەیە کاریگەری لەسەر هەڵمژینیان دەبێت و لەوانەیە کارلێکی لەگەڵدا بکات.
- نەخۆشانی شەکرە، چونکە تۆوی هەنار ڕێژەیەکی بەرزی شەکری تێدایە.
- ئەو کەسانەی کە کێشەی هەرسکردنیان هەیە وەک سکچوون (ئیسهال)، ئامۆژگاری دەکرێن کە لە خواردنی هەنار دوور بکەونەوە.