کۆمپانیای “شیڵد ئەی ئای” (Shield AI) کە تایبەتمەندە لە بواری پیشەسازی تەکنەلۆژیای بەرگریدا، نوێترین داهێنانی خۆی ئاشکرا کرد، کە فڕۆکەیەکی جەنگییە چەکدارە بە مووشەک و چەک و توانای هەڵفڕینی ستوونی و نیشتنەوەی هەیە بەبێ پێویستی بە ڕێڕەوی تایبەت و بەبێ پێویستی بە فڕۆکەوانە مرۆڤەکان، ئەمەش بەهۆی کۆنتڕۆڵی زیرەکی دەستکردەوەیە، بەپێی ڕاپۆرتێک کە لەلایەن “سی ئێن بی سی” بڵاوکراوەتەوە.
فڕۆکەکە کە ناوی “ئێکس بات” (X-Bat)ە، دەتوانێت لە بەرزییەک زیاتر لە ١٥٠٠ مەتر بفڕێت، و مەودایەک کە سێ هەزار کیلۆمەتر تێدەپەڕێنێت، جگە لە توانای هەڵفڕین و نیشتنەوەی ستوونی کە توانای نیشتنەوە و هەڵفڕینی لە هەر شوێنێک پێدەبەخشێت بەبێ پێویستی بە هەبوونی ڕێڕەوی تایبەت.
کۆمپانیاکە جەخت دەکاتەوە کە تەکنەلۆژیای نیشتنەوە و هەڵفڕینی ستوونی لە ماوەیەکی زۆرەوە هەبووە و تاقیکردنەوەکانی لەسەر ئەم تەکنەلۆژیایە لە ساڵی ١٩٥٠ دەستی پێکردووە، بەڵام بۆ یەکەمجارە ئەم توانایە لەگەڵ زیرەکی دەستکرددا کۆبکرێتەوە کە بە تەواوی فڕۆکەکە و هەموو سیستەمەکانی کۆنتڕۆڵ دەکات.
سەرچاوە: سی ئێن بی سی