هاوبەشیی نێوان نێتفلێکس و سپۆتیفای ڕێگە نادات ئەو بەرنامانە لە یوتیوب پەخش بکرێن، کە گەورەترین ڕکابەری ئەو تۆڕەیە کە هەوڵ دەدات جەماوەری پۆدکاستی گەشەسەندوو بە لای خۆیدا ڕابکێشێت.
تۆڕی پەخشی زەبەلاحی نێتفلێکس ڕایگەیاند, کە هاوبەشییەکی لەگەڵ پلاتفۆرمی دەنگی سپۆتیفای واژۆ کردووە، کە تۆڕەکە ڕێگەی پێدەدات یەکەم هەنگاوی خۆی لە جیهانی پۆدکاستی ڤیدیۆییدا بهاوێژێت.
بەپێی ڕێککەوتنەکە، لە سەرەتای ساڵی داهاتووەوە، نێتفلێکس کۆپی ڤیدیۆیی 16 بەرنامەی پۆدکاست لە بوارەکانی وەرزش، کولتوور، کات بەسەربردن و هەنگاوەکانی تاوانەکان کە لەلایەن سپۆتیفایەوە بەرهەم هێنراون، پەخش دەکات.
ئەو هاوبەشییە ڕێگە نادات کە بەرنامەکان لە پلاتفۆرمی یوتیوب پەخش بکرێن، کە گەورەترین ڕکابەری نێتفلێکسە و هەوڵ دەدات جەماوەری پۆدکاستی بینراوی گەشەسەندوو بە لای خۆیدا ڕابکێشێت.
بەشێکی نوێ لە مێژووی پۆدکاستدا
لۆرێن سمیس، جێگری سەرۆکی نێتفلێکس لە بەیاننامەیەکدا وتی، لەگەڵ زیادبوونی بەناوبانگبوونی بەرنامەکانی پۆدکاستی بینراو، هاوبەشییەکەمان لەگەڵ سپۆتیفای دڵنیاییمان پێدەدات، کە کۆپییە ڤیدیۆییە تەواوەکانی ئەم بەرنامە بەناوبانگانە پێشکەش بکەین، و وتیشی، ئەم زیادکردنی بژاردانە بۆ داهێنەران دەرفەتی دابەشکردنی نوێ بە تەواوی دەکاتەوە.
لەلایەن خۆیەوە، ڕۆمان وازنێموڵەر، جێگری سەرۆکی سپۆتیفای وتی، ڕێککەوتنەکە “نوێنەرایەتی بەشێکی نوێ لە مێژووی پۆدکاستدا دەکات”.
پیشەسازی پۆدکاست لە ساڵانی ڕابردوودا گۆڕانکارییەکی ڕیشەیی بەخۆیەوە بینیوە بەهۆی بەناوبانگبوونی پۆدکاستی بینراو و دەرکەوتنی کلیپی کورت، بۆ نموونە ئەوانەی لە تیک تۆک بڵاودەکرێنەوە.
بەپێی توێژینەوەیەکی کۆمپانیای “کومولوس میدیا”ی ئەمریکی ٪72ـی گوێگرانی پۆدکاست بەرنامەکانێک بەلاوە پەسەندترە کە ڤیدیۆیان تێدایە.
لە چوارچێوەی ئاساییدا، پۆدکاست داهات لە فرۆشتنی ڕێکلامەکانەوە بەدەست دەهێنێت، و ژمارەی بینین و داگرتنی ئەڵقەکان بەکاردەهێنێت بۆ دیاریکردنی نرخەکان. بەڵام لەبەر ئەوەی پۆدکاستی بینراوی ئەمڕۆ بە زیاتر لە یەک شێوە بەکاردەبرێت و زۆرجار دابەش دەکرێت و بەسەر پلاتفۆرمەکانی سۆشیاڵ میدیادا دابەش دەکرێت، بەناوبانگبوونی ڕاستەقینەی هەمیشە بە وردی لە ژمارەی داگرتنی ئەڵقەکاندا دەرناکەوێت.
ماوەیەکە تۆڕی نێتفلێکس هەوڵیداوە لێکۆڵینەوە لە ئەگەری زیادکردنی پۆدکاست بۆ خزمەتگوزاری ڤیدیۆیی تایبەت بە خۆی بکات، و سەرنجی نێتفلێکس سەرنجی بەرپرسانی پۆدکاستی لە کۆمپانیاکانی دیکەدا ڕاکێشاوە.
بەپێی توێژینەوەیەکی ئەم دواییەی کۆمپانیای “کومولوس میدیا”ی ئەمریکی، داواکارییەکی زۆر هەیە لەسەر پۆدکاستی بینراو، 72٪ی گوێگرانی پۆدکاست ئەوەیان دەربڕیوە کە ئەو بەرنامانەی ڤیدیۆیان تێدایە بەلایانەوە پەسەندترە.
لە ڕوانگەی چاودێرانەوە، ئەم هاوبەشییە نوێنەرایەتی گۆڕانکاری دەکات لە دیمەنی دابەشکردنی ناوەڕۆکی دیجیتاڵیدا، چونکە دوو پلاتفۆرم لە گەورەترین کۆمپانیاکان لە بوارەکانی دەنگ و ڤیدیۆدا یەکدەخات، و بازاڕێکی نوێ بۆ یەکگرتنی ڕاگەیاندنی بینراو و بیستراو دەکاتەوە.
سەرچاوە: نیویۆرک تایمز