پلەی گەرما دادەبەزێت و خۆڵ دەبارێت

کەشناسی هەرێمی کوردستان پێشبینی دەکات پلەی گەرما دابەزێت و بە هۆی خۆڵبارینیشەوە مەودای بینی لە هەندێک ناوچە کەم دەبێتەوە.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ پێنجشەممە، ئاسمان ساماڵ دەبێت لەگەڵ بوونی تۆز و خۆڵ لە کەشدا.

ڕوونیشیکردەوە کە لە کاتەکانی ئێوارە و شەودا لە پارێزگای کەرکووک و ناوچەکانی گەرمیان و بەشێکی پارێزگای هەولێر ڕێژەی خۆڵ بارین زیاتر دەبێت و پلەی گەرماش 1-2 پلە نزم دەبێتەوە.

ئەوەشی خستەڕوو کە مەوداى بینین لە نێوان 7 – 9 کیلۆمەتر دەبێت و لەو ناوچانەی ڕێژەی خۆڵبارینی زۆرە بۆ 4 – 6 کیلۆمەتر دادەبەزێت.

سەبارەت بە سبەینێ هەینیش کەشناسی ڕایگەیاند، ئاسمان ساماڵ و پەڵە هەور دەبێت و گەرماش 2-4 پلە نزمتر دەبێتەوە.

بەرزترین پلەکانی گەرمای پێشبینیکراو بە پلەی سیلیزی

هەولێر : 30 پلەی سیلیزی

سلێمانی : 29 پلەی سیلیزی

دهۆک : 29 پلەی سیلیزی

زاخۆ : 31 پلەی سیلیزی

ئامێدی : 26 پلەی سیلیزی

ئاکرێ : 31 پلەی سیلیزی

کەرکووک : 33 پلەی سیلیزی

هەڵەبجە : 29 پلەی سیلیزی

سۆران : 30 پلەی سیلیزی

حاجی ئۆمەران : 21 پلەی سیلیزی

گەرمیان : 34 پلەی سیلیزی