کۆبونەوەی لیژنەی باڵای ئەمنی لهبارهی ههڵبژاردن بەڕێوەچو؛ وەزیری ناوخۆی هەرێم دەڵێت: دەبێت پڕۆسەی هەڵبژاردن لە کەشوهەوایەکی سەقامگیر بەڕێوەبچێت.
ڕێبەر ئەحمەد، وەزیری ناوخۆی حکومەتی هەرێمی کوردستان سهرپهرشتی کۆبونەوەی لیژنەی باڵای ئەمنی كرد و وتی: دەبێت پڕۆسەی هەڵبژاردنی پەرلەمانی عێراق، هەڵبژاردنێکی ئارام و لە کەشوهەوایەکی سەقامگیر بەڕێوەبچێت.
ڕاشیگەیاند، دامهزراوهكانی وهزارهتی ناوخۆ نیشتمانین و پێویسته هاووڵاتییان و لایهنه سیاسییهكانیش لهكاتی بانگهشهی ههڵبژاردن و دهنگدان هاوكار بن تاکو كهشوههوایهكی ئارام دروست بێت.
وتیشی، “له ئاستی پارێزگا و ئیداره سهربهخۆكان لیژنهی لاوهكی دروستكراوه، وەزارتەکان لەگەڵ لیژنە لاوەکییەکان هاوکار دەبن بۆ ئەوەی هیچ کێشەیەک دروست نەبێت”.
لای خۆشیەوە، هێمن میرانی، سەرۆکی دیوانی وەزارەتی ناوخۆ رێنماییەکانی هەڵبژاردنی ئاشکرا کرد و رایگەیاند، لە رۆژی هەڵبژاردن هاتووچۆ ئاسایی دەبێت و بەکارهێنانی مۆبایل قەدەغە دەبێت.
ئەوەشی خستەڕوو، لە ڕۆژی هەڵبژاردنی پەرلەمانی عێراق هاتووچۆ ئاسایی دەبێت، بەڵام بەکارهێنانی ئۆتۆمبێلی حکومەت بۆ بانگەشەکردن و داپۆشینی ژمارەی ئۆتۆمبێل بە لۆگۆ و وێنەی کاندید قەدەغەیە.