مامۆستایانی وانەبێژی لادراو لەبەردەم ئەنجوومەنی وەزیران گردبوونەوە ئەنجام دەدەن و دەڵێن”ئامادەکاری بۆ مانەوە دەکەین”.
سەرچاوەیەک لە نوێنەرانی وانەبێژانی لادراو، بە خەڵك-ی ڕاگەیاند، سبەی یەک شەمە گردبوونەوەی فراوانی وانەبێژانی لادراو لەبەردەم ئەنجوومەنی وەزیرانی هەرێم لە هەولێر ئەنجامدەدرێت.
بە وتەی سەرچاوەکە، سەرجەم وانەبێژانی لادراو بەشدار دەبن لە گردبوونەوەکەدا و دەچنە بەردەم ئەنجوومەنی وەزیرانی حکومەتی هەرێم، تاوەڵامی کۆتایی وەرنەگرن بۆ دامەزراندن ناگەڕێنەوە و بەنیازیشن خێمە هەڵبدەن.