هاتووچۆی گەرمیان هۆشداری بە لایەنە سیاسی و کاندیدەکان دەدات و دەڵێت”هەرپۆستەرێک هێماکان بشارێتەوە سزادەدرێن وو لێ دەکرێنەوە”.
بەڕێوەبەرایەتی هاتووچۆی گەرمیان لە بڵاوکراوەیەکدا ئاماژەی بەوە داوە، ئاگاداری لایەنە سیاسییەکان و کاندیدەکان دەکەینەوە، لە ماوەی بانگەشەی هەڵبژاردندا، وێنە و پۆستەری کاندیدان و پارتەکان لەو جێگا و شوێنانە دانەنێن کە دەبێتە هۆی شاردنەوەی هێماکانی هاتوچۆ و گڵۆپی ترافیک لایتەکان.
هاتووچۆ ڕوونیشیکردۆتەوە، هەر پۆستەرێک لە سەر شۆستە و لە بەرامبەر هێڵەکانی پەڕینەوە دابنرێت کە ئاستەنگی هاتووچۆ دروستبکات، داوای یاسایی لە سەر لایەنی سەرپێچیکار تۆماردەکەین و پۆستەرەکانیان لێدەکرێنەوە.
بڕیارە ڕۆژی هەینی 3ـی تشرینی دووەمی 2025 بانگەششەی هەڵبژاردن بۆ کاندید و لایەنە سیاسییەکاان دەستپێبکات، و ڕۆژی 11/11 هەڵبژاردنی گشتی لە عێڕاق بەڕێوەبچێت.