ئەمڕۆ چوارشەممە، بابەک هودایی، بەرپرسی ناوەندی فریاکەوتنی سنە ڕایگەیاند منداڵێکی چوار ساڵانیان بە هەلیکۆپتەر لە نەخۆشخانەی “ڕازی”ی بانەوە گەیاندە نەخۆشخانەی سنە کە بەهۆی بێهۆشبوون و هەناسەتوندییەکی سەختەوە مەترسی لەسەر ژیانی دروست ببوو
ڕوونیشیکردەوە کە منداڵەکە بە 45 خولەک گەیەندراوەتە نەخۆشخانە و لە مەترسی مردن ڕزگارکراوە
وتیشی ئەمە 39یەمین بەهاناوەچوونی خێرای تیمە ئاسمانییەکەیانە لەمساڵدا ئەنجامیاندابێت.
لە ساڵی 2016ەشەوە کە ناوەندەکە دامەزراوە تا ئێستا، 920 چالاکی فریاکەوتنی خێرایان ئەنجامداوە و ئەو هەلیکۆپتەرەی بەکاریشیدەهێنن لە جۆری “LOT”ی یەک بزوێنەرە و نوێترین ئامێری فریاکەوتنی پزیشکیشی تێدا جێگیرکراوە.