لە ئاکامی زنجیرەیەک ھێرش و بۆردومانی سوپای ئیسرائیلدا بۆ سەر ژمارەیەک ناوچەی کەرتی غەززە، 20 کەس کوژران.
بەرەبەیانی ئەمڕۆ سێشەممە، سوپای ئیسرائیل زنجیرەیەک ھێرشی کردە سەر چەند ناوچەیەکی باکوور، ناوەڕاست و باشووری کەرتی غەززە.
بە وتەی شایەتحاڵەکان لە ھێرشەکاندا، ژمارەیەک فەڵەستینی لە بەردەم ناوەندەکانی دابەشکردنی یارمەتییە مرۆیییەکان، ھەروەھا ژمارەیەک خانوو و کەمپی ئاوارە فەڵەستینییەکان لە چەند ناوچەیەکی باکوور، ناوەڕاست و باشووری کەرتی غەززە، لەلایەن سوپای ئیسرائیلەوە بۆردومان کراون.
ھاوکات چەند سەرچاوەیەکی پزیشکی بە ئاژانسی ئەنادۆڵیان ڕاگەیاند کە لە ئاکامی بۆردومانەکاندا، 20 فەڵەستینی کوژراون و ژمارەیەکی دیکەش برینداربوون.