دۆناڵد ترەمپ، سەرۆکی ئەمریکا، ئارەزووی خۆی بۆ “چوونە بەهەشت” لە ڕێگەی ڕاگرتنی شەڕی ئۆکرایناوە دەربڕی.
دۆناڵد ترەمپ سەرۆکی ئەمریکا، وای بۆ دەچێت کە کارەکانی شایەنی ئەوە نین بیبەنە بەهەشت، بەڵام ئەگەر لە ڕاگرتنی شەڕدا سەرکەوتوو بێت، لەوانەیە ئەمە ڕووبدات.
ترەمپ دوای میوانداریکردنی ڤۆلۆدیمیر زێلێنسکی، سەرۆکی ئۆکراین و چەندین سەرکردەی ئەوروپی لە کۆشکی سپی بۆ دۆزینەوەی چارەسەرێک بۆ ناکۆکییەکەی نێوان کیێڤ و مۆسکۆ، وتی: “ئەگەر بکرێت، دەمەوێت هەوڵ بدەم بچمە بەهەشت”.
وتی: “پێم گەیشتووە کە لە دۆخێکی باشدانیم، و لە ڕاستیدا لە کۆتاییەکانی تەمەندام! بەڵام ئەگەر بتوانم بچمە بەهەشت، ئەمە یەکێک لە هۆکارەکان دەبێت”.
بەپێی ئاژانسی فرانس پرێس، ترەمپ کە سێ جار هاوسەرگیری کردووە و لە کۆنگرێسدا ڕووبەڕووی دوو ڕێکاری لێسەندنەوەی متمانە بووەتەوە، زۆر لە پیرۆزییە ئاینییەکانەوە دوورە، چونکە بەدرێژایی ساڵان تێوەگلاوە لە چەندین کردەی ئابڕووچووندا. هەروەها وەک یەکەم سەرۆکی ئەمریکایە، کە چووەتە مێژووەوە و بە تاوانبار ناسێنراوە بەهۆی ئاشکرانەکردنی ئەو پارەیەی کە داویەتی بە ئەستێرەیەکی فیلمە سێکسییەکان لەپێناو هەڵبژاردنی بێدەنگی لە دادگا بەرامبەری.
لەدوای ڕزگاربوونی لە هەوڵێکی تیرۆرکردن لە ساڵی ڕابردوودا، سەرۆکە کۆمارییەکە زیاتر ڕۆحانی بووە، لە میانی ئاهەنگی دەستبەکاربوونیدا بۆ دووەم خولی سەرۆکایەتی لە مانگی یەنایەری ڕابردوودا، ترەمپ وتی: “خودا منی ڕزگار کرد بۆ ئەوەی گەورەیی بۆ ئەمریکا بگەڕێنمەوە”.