لە ئاکامی وەرگەڕانی پاسێک نزیکەی 50 زیارەتکاری ئێرانی لە پارێزگەی بەسڕە بوونە قوربانی.
درەنگانی دوێنی شەو، پاسێکی زیارەتکارانی ئێران لە سەر ڕێگەی ڕومێلەی ڕۆژئاوای بەسڕە وەرگەڕا و بە هۆیەوە نزیکەی 50 زیارەتکار بوونە قوربانی.
عەقیل فرەیجی، سەرۆکی لیژنەی ئەمنی ئەنجومەنی پارێزگەی بەسڕە ڕایگەیاند لە ڕووداوەکەدا شەش کەس گیانیان لەدەستداوە و 43 کەسی دیکەش بریندار بوون.
ئەوەشی خستەڕوو کە پاسەکە دوای بەشداریکردنی زیارەتکارەکان لە چلەی ئیمام حسێندا لە کەربەلاوە گەڕاوەتەوە و تووشی ئەو ڕووداوە بووە.