ژمارەی ئەو کەسانەی بەهۆی بەرزی پلەکانی گەرما لە کۆریای باشوور گیانیان لەدەستداوە گەیشتووەتە ١٣ کەس.
پێگەی یۆنهاپ لە زاری ئیدارەی کەشناسی کۆریا بڵاویکردەوە، شەپۆلی گەرمای توند بۆماوەی هەفتەیەک کۆریای باشووری گرتۆتەوە و پلەکانی گەرما بۆ سەرو 33 بۆ 35 پلەی سەدی بەرزبووەتەوە.
بەپێی بڵاوکراوەکەی ئیدارەی کەشناسی کۆریای باشوور، ئێستا ١٨١ ناوچە لە کۆی ١٨٣ ناوچە لە سەرتاسەری وڵاتدا لە ژێر ئاگادارکردنەوەی شەپۆلی گەرمادان، تەنها دوو ناوچە، کە دەکەوێتە سەر چیای حەلا لە باشووری دوورگەی جیجو، لەژێر هیچ هۆشدارییەکی شەپۆلی گەرمادا نین.
تێکڕای بەرزترین پلەی گەرمی لە تێپیک بۆ مانگی تەمموز و ئاب لە نێوان ساڵانی ١٩٩١ بۆ ٢٠٢٠ بە ڕێککەوت ٢٥.٩ پلەی سەدی و ٢٦ پلەی سەدی بووە.
بەهۆی کاریگەرییەکانی سیستمی پەستانی بەرز لە زەریای باکووری زەریای هێمن، لە چەند ڕۆژی ڕابردوودا ئەو وڵاتە تووشی گەرمایەکی زۆر بووە، کە بای گەرم و شێداری باشووری ڕۆژهەڵاتی هێناوەتە ئاراوە.
لە سیئۆلی پایتەخت هاووڵاتیان هەوڵ دەدەن لە تاڤگەکان و مەلەوانگەکان خۆیان فێنک بکەنەوە.