دەرباز کۆسرەت ڕەسوڵ بە کونسوڵی گشتی تورکیا لەهەرێمی کوردستان ڕادەگەیەنێت، كە یەکێتی پشتگیری لە پڕۆسەی ئاشتی لە باکووری کوردستان دەکات.
دەرباز کۆسرەت ڕەسوڵ، ئەندامی مەکتەبی سیاسی و لێپرسراوی مەکتەبی پەیوەندییەکانی یەکێتیی نیشتمانیی کوردستان لە شاری هەولێر پێشوازی لە ئەرمان تۆپچو، کونسوڵی گشتی تورکیا لەهەرێمی کوردستان کرد.
بەپێی ڕاگەیەنراوی نووسینگەكەی، هەردوولا گفتوگۆیان لەبارەی رێککەوتنی نێوان هەرێم و بەغدا کرد، دەرباز کۆسرەت ڕەسوڵ ڕایگەیاند، “پابەندبوون بە ڕێککەوتنەکان و دوورخستنەوەی پرسی مووچە لە ململانێ سیاسییەکان بەپێویست دەزانین”.
تەوەرێکی دیکەی گفتوگۆکان لەبارەی دواین پێشهات و گۆڕانکارییە سیاسیی و ئەمنەییەکانی ناوچەکە و پشتگیرییەکانی یەکێتی بوو بۆ پڕۆسەی ئاشتی لە باکووری کوردستان و تورکیا.
جهخت كرایهوه لهسهر ههماههنگی و هاوكاری ههموو لایهنەكان لهپێناو پاراستنی سهقامگیری سیاسی و ئهمنی بۆ ئهوهی ناوچهكه له گرژی و ئاڵۆزییه سیاسییهكان دووربكهوێتهوه.