بە هۆی ئەگەری لێچوون لە نۆزڵەکانییەوە، کۆمپانیای فۆرد ڕایگەیاند 694 هەزار و 271 ئۆتۆمبێل لە بازاڕەکاندا دەکشێنێتەوە.
ڕوونیشیکردەوە کێشەکە ئۆتۆمبێلەکانی جۆری برونکۆ سپۆرتی مۆدێل 2021-2024 و ئسیکەیپی 2020-2022 دەگرێتەوە کە بزوێنەری سێ سلندەری 1.5 لیتریان هەیە.
کۆمپانیای فۆرد ڕاشیگەیاند خەرجی کێشانەوەی ئەو ئۆتۆمبێلانە لە بازاڕەکاندا دەگاتە نزیکەی 570 ملیۆن دۆلار.
ئەم کێشەیە نوێ نییە و لە تشرینی دووەمی 2022شدا، فۆرد 521 هەزار و 746 ئۆتۆمبێلی لە بازاڕەکاندا کشاندەوە و ساڵی 2024یش 42 هەزار و 652 ئۆتۆمبێل لە ئازاری ئەماڵیشدا 33 هەزار و 576 ئۆتۆمبێلی دیکەی بە مەبەستی چاککردنەوەی کێشەکە لە بازاڕەکاندا کشاندەوە.
کۆمپانیای فۆرد پێیوایە لە نێو ئەو 700 هەزار ئۆتۆمبێلەش کە لە بازاڕەکاندا دەکێشرێنەوە، کێشەکە کاریگەریی لەسەر ڕێژەی 0.3٪یان دروست کردبێت.