وەزارەتی بەرگری تورکیا گیانلەدەستدانی پێنج سەرباز و برینداربوونی 14 سەربازی تری ڕاگەیاند و دەڵێت”بەهۆی گازی میسانەوە ژەهراویبوون”.
لە بڵاوکراوەیەکدا، وەزارەتی بەرگری تورکیا رایگەیاند، لە یەکێک لە ئەشکەوتەکانی باشووری کوردستان، لە ناوچەی ئۆپەراسیۆنی چنگ-لۆک 19 سەرباز بەر گازی میسان کەوتوون و پێنجیان گیانیان لەدەستداوە.
ئاماژەیان بەوەشکردوە، ئەو ئەشکەوتە پێشوتر وەک نەخۆشخانە لە لایەن هێزەکانی پەکەکەوە بەکارهێنراوە لە ناوچەی ئۆپەراسیۆنی چنگ-لۆک، لە کاتی هەوڵدان بۆ پاککردنەوەی ڕوداوەکە ڕویداوە.
بەهۆی گازی ژەهراوی میسانەوە لەو 19 سەربازەی کە ژەهاروی بوون و دوای گواستنەوەیان بۆ نەخۆشخانە، پێنجیان ن گیانیان لە دەستداوە.
ئەم ئۆپەراسیۆنانەی تورکیا لەکاتێکدایە، بەپێی ڕێککەوتنیک و بانگەوازی عەبدوڵا ئۆجالان ڕێبەری باڵای پارتی کرێکارانی کوردستان، بڕیارە لە چەند ڕۆژی ئایندەدا بەشیک لە چەکەکانیان دابنێن و پرۆسەی چەکدانان و ئاشتی لەگەڵ تورکیا بچیتە قۆناغی جێبەجێکردنەوە، بەڵام هێشتا دیار نییە تورکیا ئۆپەراسیۆنەکانی ڕادەگرێت یاخود نا.