سوپەرستارەکانی جیهانی K-pop BTS دوای چاوەڕوانییەکی زۆر لەلایەن هەوادارەکانیانەوە گەڕانەوەی خۆیان ڕاگەیاند، و بەڵێنی ئەلبوومێکی نوێ و گەشتێکی جیهانی لە بەهاری ساڵی 2026 بۆ هەوادارانیان ئاشکرا دەکەن.
لە بەیاننامەیەکی فەرمیدا تیپەکە ڕایگەیاندووە، “لە مانگی ئازاری ساڵی داهاتوو ئەلبوومە نوێیەکە بڵاودەکەینەوە”، ئاماژەی بەوەشکردووە، ئامادەکارییە مۆسیقیەکان لە مانگی تەمموزدا دەستپێدەکات.
ئەندامانی گرووپەکە پشتڕاستیان کردەوە کە ئەلبوومی داهاتوو هەوڵێکی بەکۆمەڵ دەبێت کە بیرکردنەوە و بۆچوونە هاوبەشەکانیان بەرجەستە دەکات، هاوتەریب لەگەڵ ئەو ڕێبازە هونەریەی کە لە یەکەم دەرکەوتنیانەوە گرتوویانەتە بەر.
بڕیارە لەم مانگەدا ئەندامانی بی تی ئێس گەشت بکەن بۆ ئەمریکا بۆ ئەوەی دەست بە کارەکانی بەرهەمهێنانی ئەلبوومەکە بکەن.
جیمین دووپاتیکردەوە کە ئەلبوومەکە لە بەهاری ٢٠٢٦ بڵاودەکرێتەوە و دەڵێت: “سڵاو هاوڕێیان، گەڕاینەوە”.
هەروەها گرووپەکە گەشتێکی جیهانی بۆ هاوڕێیەتیکردنی ئەلبوومەکە ئاشکرا کرد. ئەندامانی گرووپەکە ئاماژەیان بەوەشکردووە، بە تامەزرۆییەوە سەردانی هەوادارانی دەکەن لە سەرانسەری جیهان و هیوادارن هەمووان بەو بابەتە پەرۆش بن.
کۆمپانیای بی تی ئێس بڕیارە دەست بە یەکەم گەشتی جیهانی بکات لە دوای گەشتی “مۆڵەتی سەماکردن لەسەر شانۆ” لە ساڵی ٢٠٢٢، کە هاوکاتە لەگەڵ بڵاوبوونەوەی ئەلبوومە نوێیەکەی.
ئەم ڕاگەیاندنە لە میانی پەخشێکی ڕاستەوخۆدا لە کەناڵی Weverse کە پلاتفۆرمی دڵخواز و خۆشەویستە لەلایەن هەوادارانەوە و خاوەندارێتی کۆمپانیای Hype کە کۆمپانیای بەڕێوەبردنی گرووپەکە دەکات. هەر حەوت ئەندامەکە- جین، ئاڕ ئێم، ڤی، جیمین، جەی هۆپ، جونگکوک و سوگا- بەشدارییان لە پەخشەکەدا کرد، کە یەکەم دەرکەوتنی ڕاستەوخۆیان پێکەوە بوو لە ئەیلوولی ٢٠٢٢ەوە.
پێشتر بەرپرسێکی کۆمپانیای هایپ پلانی تیپەکەی ڕاگەیاندبوو بۆ بڵاوکردنەوەی ئەلبوومێکی نوێی لە مانگی ئازاری داهاتوودا، بۆ ڕۆژنامەی کۆریا هیرالد ڕوونیکردەوە کە گرووپەکە پێویستی بە ماوەی ئامادەکاری و کاری داهێنەرانە هەیە دوای تەواوکردنی خزمەتە سەربازییەکەی.
شایەنی باسە یاسای کۆریای باشوور داوا لە هەموو پیاوە بەتواناکان دەکات کە تەمەنیان لە نێوان ١٨ بۆ ٢٨ ساڵدایە بۆ ماوەی ١٨ بۆ ٢١ مانگ خزمەتێکی سەربازی ناچاری ئەنجام بدەن. بەڵام یاساکە لێخۆشبوونی تایبەت بە پۆلە تایبەتەکان دەدات، وەک وەرزشوانان، مۆسیقاژەنانی کلاسیک و نەریتی و سەماکارانی بالێ، بە مەرجێک خەڵاتی گەورەیان لە پێشبڕکێ نێودەوڵەتییەکان بەدەستهێنابێت کە بەشدارییان کردووە لە بەرزکردنەوەی ناوبانگی کۆریا. بەڵام ئەم لێخۆشبوونە ئەستێرەکانی کەی پۆپ و هونەرمەندەکانی هاوچەرخ ناگرێتەوە.
بەڵام هەموارکردنی یاسای خزمەتی سەربازی لە ساڵی ٢٠٢٠دا ڕێگەی بە ئەندامانی BTS دا کە خزمەتە سەربازییەکانیان تا تەمەنی ٣٠ ساڵی دوابخەن، ئەمەش دوای دەنگدانێک لە ئەنجومەنی نیشتمانی کۆریا، وەک دانپێدانانێک بۆ کاریگەرییە کولتوورییە بەرچاوەکانیان.
کۆمپانیای بی تی ئێس لە ساڵی ٢٠١٣ دوای سێ ساڵ لە پێکهاتن و ڕاهێنان بۆ یەکەمجار دەرکەوت، لەو کاتەوە ناوبانگێکی جیهانی ناوازەی بەدەستهێنا و بووە بەناوبانگترین تیپی کەی پۆپ لە جیهاندا. ئەلبوومەکانیان لە پلەی یەکەمی ڕیزبەندی فرۆشتنی جیهانیدا بوون و شەش گۆرانیشیان گەیشتوونەتە پلەی یەکەمی چارتی مۆسیقای نێودەوڵەتی.