باڵیۆزخانەی ئەمریکا لە بەغدا دەستی بە کەمکردنەوەی کارمەندەکانی کرد و دەڵێت”لەبەر پاراستنی سەلامەتی ئەریکییەکان بە چەند قۆناغێک کەمدەکرێنەوە”.
ئەمڕۆ یەک شەممە، 22ـی حوزەیرانی 2025، باڵیۆزخانەی ئەمریکا لە بەغدا، لە ڕاگەیەندراوێکدا ئاشکرایکرد، لەبەر ڕۆشنایی ڕووداوەکان، نوێنەرایەتی ئەمریکا لە عێراق دەستی بە کشانەوەی هەندێک لە کارمەندان کرد.
لە ڕاگەیەندراوەکەدا هاتووە، لە چوارچێوەی هەوڵە بەردەوامەکانمان بۆ ڕێکخستنی کارەکان، لەڕۆژی ٢١ و ٢٢ـی حوزەیران، چەندین کارمەندی ئەمریکی عێراقیان بەجێهێشت، هاوکات هەردوو باڵیۆزخانە و کونسوڵخانەی گشتی بەردەوامن لە پێشکەشکردنی خزمەتگوزارییەکان بۆ هاووڵاتیانی ئەمریکا.
بەپێی ڕاگەیەندراوەکە، ئەمریکا ترسی لە هێرشکردنە سەر کونسوڵخانە و ئەو ناوچانە هەیە کە ئەمریکییەکان و کۆمپانیاکانی تێدایە لەلایەن گرووپە جەکدارەکانی سەر بە ئێران، لەپای ئەم بەرچاسوبینییە بڕیاری کشانەوەی بەشێک لە کارمەندەکانی داوە.
باڵیۆزخانەکە لە ڕاگەیەندراوەکەدا هۆشداری بە ئەمریکییەکان دەدات و دەڵێت”خۆتان لەو شوێنانە بەدوور بگرن کە بیانییەکان زۆر سەردانیان دەکەن، هاوکات مەچنە ئەو شوێنانەی کۆبوونەوەی بەکۆمەڵی تێدایە”.
ئەمریکا لەڕێگەی وشکانیشەوە کارئاسانی بۆ هاووڵاتیانی دەکات و دەڵیت”هاووڵاتیانی ئەمریکی دەتوانن لەڕیگەی وشکانی تورکیا و ئەردەن گەشت بکەن، و پێویستە بەرواری پلان بۆ داڕێژراو و شوێنی پەڕینەوەیان بۆدیاریبکرێت، و وێنەیەکی لاپەڕەی بایۆداتای پاسپۆرتەکەیان بنێرن بۆ یەکەی خزمەتگوزاری هاووڵاتیانی ئەمریکی ئەنقەرە لە باڵیۆزخانەی ئەمریکا لە.
ئەو هاووڵاتییە ئەمریکییانەی کە پلانیان هەیە لە عێراقەوە لە ڕێگەی سنووری وشکانییەوە بچنە ناو کوەیت، دەتوانن بەرواری پلان بۆ داڕێژراو و شوێنی پەڕینەوەیان، و وردەکارییە کەسییەکان (ناو، بەرواری لەدایکبوون، زانیاری پاسپۆرت، دەروازەی سنوور، هەر نیگەرانییەکی پزیشکی/تەندروستی/سەلامەتی، زانیاری پەیوەندیکردن) و وێنەیەکی لاپەڕەی بایۆداتای پاسپۆرتەکەیان بنێرن بۆ باڵیۆزخانەی ئەمریکا یەکەی خزمەتگوزاری هاووڵاتیانی ئەمریکی کوەیت.
باڵیۆزخانەکە بە ڕینمایی وەزارەتی دەرەوەی ئەمریکا ڕاوێژکاری گەشتیاری ئاستی چوارەم واتە”گەشت مەکە بۆ عێراق” بە چالاککراوی دەهێڵیتەوە.