دوای ئەوەی بەهۆی شەڕی ئێران ئیسرائیل هەناردەی نەوتی عێراق زیاتر لە هەفتەیەک ڕاگیرابوو، بە فشاری ئەمریکا دەست بە هەناردەکردن کرایەوە.
میدیای یەکێتی بڵاویکردەوە، بەهۆی مەترسی ئاڵۆزییەکانى نێوان ئیسرائیل و ئێرانەوە، لە رۆژی 5ـی حوزەیران دوایین کەشتییە بارهەڵگرەکان لە باشووری عێراقەوە نەوتیان بارکرد و ماوەی 10 رۆژ پرۆسەکە لە بەندەری خۆرزوبێر راگیرابوو، بەڵام دواتر لە ژێرفشاری ئەمریکادا دەست بەهەناردە کرایەوە.
بەپێی سەرچاوەکەی میدیاکە، ئامارى کۆمپانیاى سۆمۆ دەریخستووە لە هەفتەى رابردوودا تەنیا سێ رۆژ و لە 16 و 17 و 18ـى حوزەیراندا نەوت هەناردەکراوە.
رۆژى 16ـى حوزەیران پێنج ملیۆن بەرمیل و 17ـى حوزەیران دوو ملیۆن و 950 هەزار بەرمیل و 18ـى مانگیش چوار ملیۆن بەرمیل نەوت هەناردەکراوە کە کۆى گشتى 11 ملیۆن و 950 هەزار بەرمیل نەوت دەکات.