کەشناسی: لە ناوچە شاخاوییەکان نمەباران دەبارێت

کەشناسی هەرێم ڕایگەیاند، ئەمڕۆ ئاسمان ساماڵ و پەڵەهەور دەبێت، لە ناوچە شاخاوییە سنوورییەکان ئەگەری نمەبارانێک کەم هەیە.

بەپێی ڕاپۆرتی کەشناسی هەرێم، ئەمڕۆ چوارشەممە، ئاسمان ساماڵ و پەڵە هەور دەبێت، لەناوچە شاخاوییەکان نیمچە هەور دەبێت، لەگەڵ ئەگەری نمە بارانێکی کەم لەکاتەکانی دوای نیوەرۆدا لەناوچە شاخاوییە سنوورییەکانی باکوور و باکووری رۆژهەڵات.

باسی لەوەشکردووە: پلەکانی گەرما کەمێک بەرزتر دەبێت بەراورد بە تۆمارکراوەکانی دوێنێ.

بەپێی ڕاپۆرتەکەی کەشناسی هەرێم، سبەینێ پێنجشەممە، ئاسمان ساماڵ و پەڵە هەور دەبێت لەهەندی ناوچەدا نیمچە هەور دەبێت. پلەکانی گەرما بە نزیکی یەک تـــــا دوو پلە بەرزتر دەبێت بەراورد بە تۆمارکراوەکانی ئەمرۆ.

بەرزترینی پلەکانی گەرمای ئەمڕۆی شارەکانی هەرێم:

هەولێر: 41 پلەی سیلیزی

سلێمانی: 39 پلەی سیلیزی

دهۆک: 41 پلەی سیلیزی

کەرکوک: 44 پلەی سیلیزی

زاخۆ : 42 پلەی سیلیزی

هەڵەبجە: 40 پلەی سیلیزی

سۆران: 39 پلەی سیلیزی

حاجی ئۆمەران: 26 پلەی سیلیزی

گەرمیان: 45 پلەی سیلیزی.