بەرەبەیانی ئەمڕۆ ئاگرەکەی سنووری قەرەداغ کۆنترۆڵ کرا کە لە شاخی دەلوجە کەوتبووەوە.
ئەمڕۆ چوارشەممە، شیرین مەحمود قائیمقامی قەرەداغ ڕایگەیاند، بەرەبەیانی ئەمڕۆ بە هاوکاریی تیمەکانی بەرگریی شارستانی و پۆلیسی دارستان توانرا ئاگرەکەی شاخی دەلوجە کۆنتڕۆڵ بکرێت.
ئاگرەکە پاش نیوەڕۆی دوێنێ لە شاخەکە کەوتەوە و بە هۆیەوە ڕووبەرێکی بەرفراوانی پووش و پەڵاشی شاخەکە سووتا.
شیرین مەحمود ڕاشیگەیاند، لایەنە پەیوەندیدارەکان لێکۆڵینەوەکانیان بۆ زانینی هۆکاری ئاگرەکە دەستپێکردووە.