کەشناسی هەرێمی کوردستان ڕایگەیاند لە هەرندێک ناوچە پێشبینی تاوەباران دەکرێت و پلەی گەرماش کەمێک بەرزدەبێتەوە.
بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ دووشەممە، ئاسمان ساماڵ و پەڵە هەور دەبێت، لە هەندێک کات و شوێن دەگۆرێت بۆ نیمچە هەور، لەکاتەکانی دوای نیوەرۆ ئەگەرى تاوە باران هەیە لە ناوچە شاخاوییەکانی باکوور و باکووری ڕۆژهەڵات.
ئەوەشی خستەڕوو کە پلەی گەرما 1-2 پلە بەرزدەبێتەوە.
سەبارەت بە سبەینێ سیشەممەش ڕایگەیاند، بە گشتی ئاسمان ساماڵ و پەڵە هەور دەبێت، لە هەندێک ناوچە دەگۆڕێت بۆ نیمچەهەور و ئەگەری نمەبارانێکی کەم هەیە لە ناوچە شاخاوییە سنوورییەکانی باکووری ڕۆژهەلات.
ڕوونیشیکردەوە کە سبەینێ پلەی گەرما کەمێک بەرزدەبێتەوە.
بەرزترین پلەکانی گەرمای پێشبینیکراو بە پلەی سیلیزی
هەولێر : 39 پلەی سیلیزی
سلێمانی : 37 پلەی سیلیزی
دهۆک : 38 پلەی سیلیزی
کەرکووک : 44 پلەی سیلیزی
زاخۆ : 39 پلەی سیلیزی
هەڵەبجە : 38 پلەی سیلیزی
سۆران : 37 پلەی سیلیزی
حاجی ئۆمەران : 21 پلەی سیلیزی
گەرمیان : 45 پلەی سیلیزی
