نوێنەری پزیشکانی دانەمەزراو ڕایدەگەیەنێت، بڕیاری سزادانی پزیشکانی هەولێر هەڵوەشایەوە و دامەزراندنی ئێمە لەئەستۆی حکومەتە.
د.دانا حوسێن، نوێنەری پزیشکانی دانەمەزراو بۆ (خەڵك) ڕایگەیاند، بەهۆی وەستانی دامەزراندنەوە كێشەی پلەبەندی پزیشكی سەری هەڵدا و نزیكەی 6 مانگە دواكەوتووە و بۆ ئەوەش پزیشكان بەردەوام بوون لە هەوڵە مەدەنییەكانیان.
ڕاشیگەیاند، پزیشكانی سۆران و هەولێر و كۆیە دوێنێ بایكۆتیان ڕاگەیاند و پێش 7 ڕۆژیش لە سلێمانی بایكۆت ڕاگەیەنراوە.
وتیشی، “نەخۆشخانەكان ناوی ئەو پزیشكانەیان ئاشكراكرد، كە بایكۆتی دەوامیان كردووە و لەلایەن بەڕێوەبەرایەتی گشتی تەندروستی هەولێرەوە سزایان بۆ دەركراوە”.
د. دانا ئاشكراشی كرد، بەهۆی گفتوگۆوە لەنێوان نوێنەری پزیشكان و تەندروستی هەولێر واڕێكەوتوون سزاكان كاریان پێ نەكرێت.
جەختیشی كردەوە، سوورین لەسەر داواكارییەكانمان و هەموو ڕێگایەكی مەدەنیمان گرتۆتەبەر و بەردەوام دەبین تاوەكو بگەین بەو مافانەی هەمانە وەكو هەر دەرچوویەكی پزیشكی عێراق، بەڵام حكومەتی هەرێم بەرپرسە لە دامەزراندنی ئێمە و تواناشی هەیە جا یان خۆی سەرچاوەی دارایی بدۆزێتەوە یان گفتوگۆ لەگەڵ عێراق بكات.
بڕیاری سزادانی پزیشكانی هەولێر:
