کەشناسی هەرێم ڕایگەیاند، ئەمڕۆ ئاسمان ساماڵ دەبێت، لەگەڵ بەرزبوونەوەی تۆز و خۆڵ و نزمبوونەوەی پلەکانی گەرما.
بەپێی ڕاپۆرتی کەشناسی هەرێم، ئەمڕۆ سێشەممە، ئاسمان ساماڵ دەبێت، لەگەڵ ئەگەرى بەرزبوونەوەى تۆز و خۆڵ، کاریگەرى ئەم تۆز و خۆڵە لەسەر ناوچەکانى باشوورى هەرێم زیاتر دەبێت بەتایبەت لە کاتەکانى درەنگانى و شەو و بەرەبەیانى زووى چوارشەممەدا.
باسی لەوەشکردووە: پلەکانی گەرما نزم دەبێتەوە بە دوو- سێ پلەی سیلیزی بەراورد بە تۆمارکراوەکانی دوێنێ وەک لە وێنەکەدا ئاماژەى پێکراوە.
لە بارەی کەشوهەوای سبەینێ چوارشەممە، کەشناسی هەرێم دەڵێت: ئاسمان پەڵە هەور بۆ نیمچە هەور دەبێت، و لە ناوچە سنووریەکانى باکوور و باکوورى ڕۆژهەڵات هەندێ کات دەگۆڕێت بۆ هەورى تەواو لەگەڵ ئەگەرى بارینى کەمێک نمە باران لەو ناوچانەدا.
دەشڵێت: پلەکانی گەرما بەرز دەبێتەوە بە یەک بۆ دوو پلەی سیلیزی بەراورد بە تۆمارکراوەکانی ئەمرۆ وەک لەخوارەوە ئاماژەى پێکراوە.
هەولێر: 36 پلەی سیلیزی
سلێمانی: 35 پلەی سیلیزی
دهۆک: 33 پلەی سیلیزی
کەرکوک: 38 پلەی سیلیزی
زاخۆ: 35 پلەی سیلیزی
هەڵەبجە: 37 پلەی سیلیزی
سۆران: 33 پلەی سیلیزی
حاجی ئۆمەران: 25 پلەی سیلیزی
گەرمیان: 39 پلەی سیلیزی