کەشناسی هەرێمی کوردستان ڕایگەیاند لەگەڵ بەرزبوونەوەی خێرایی با، خۆڵ دەبارێت و پلەی گەرماش نزم دەبێتەوە.
بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ دووشەممە، ئاسمان ساماڵ و پەڵە هەور دەبێت و لە دواى نیوەڕۆوە لە ئەنجامى زیادبوونى خێراى با ئەگەرى بەرزبوونەوەى تۆز و خۆڵ هەیە.
ڕوونیشیکردەوە کە کاریگەرى خۆڵبارینەکە لەسەر هەندێک ناوچەى دەشتایى و ئەو ناوچانەی با زیاتر دەیانگرێتەوە، زیاتر دەبێت.
ئەوەشی خستەڕوو کە خێرایی بە لە دوای نیوەڕۆوە دەگاتە سەروو 25 کیلۆمەتر لە کاتژمێرێکدا و گەرماش 2-3 پلە نزم دەبێتەوە.
سەبارەت بە سبەینێش کەشناسی رایگەیاند، ئاسمان ساماڵ و پەڵە هەور دەبێت و پلەی گەرماش 1-2 پلە نزم دەبێتەوە.
هەولێر: 36 پلەی سیلیزی
سلێمانی: 35 پلەی سیلیزی
دهۆک: 34 پلەی سیلیزی
کەرکووک: 38 پلەی سیلیزی
زاخۆ: 36 پلەی سیلیزی
هەڵەبجە:35 پلەی سیلیزی
سۆران: 34 پلەی سیلیزی
حاجی ئۆمەران: 24 پلەی سیلیزی
گەرمیان:39 پلەی سیلیزی