وەزارەتی تەندروستی: حاڵەتێکی دیکەی تووشبوو بە تای خوێنبەربوون تۆمارکرا

کوردستان
- بۆ ڕێگەگرتن لە بڵاوبوونەوەی تای خوێنبەربوون، ڤێتێرنەریی دھۆک ھەڵمەتێکی دوو مانگەیان ڕاگەیاندووە. - هەڵەمەتەکە لە کاتێکدایە کە دوێنی شەممە ١٠ی ئایار تووشبوویەکی تای خوێنبەربوون کە ژنێکی تەمەن ٤٥ ساڵە و خەڵکی ناحیەی شێلادزێ سەر بە قەزای ئامێدی بوو، لە نەخۆشخانەیەکی دهۆک گیانی لەدەستدا. دھۆک - AA بە مەبەستی ڕێگەگرتن لە بڵاوبوونەوەی تای خوێنبەربوون، بەڕێوەبەرایەتی ڤێتێرنەریی دھۆک هەڵمەتێکی دوو مانگەیان ڕاگەیاندووە کە لە ٢٠ـی نیسان دەستی پێکردووە و بریتییە لە ڕشاندن و کوتانی ئاژەڵان. لەبارەی بەڕێوەچوونی ھەڵمەتەکە، بەڕێوەبەری ڤێتێرنەریی پارێزگای دھۆک، دکتۆر نیشتمان عارف، بۆ ئاژانسی ئانادۆڵو گوتی: "تای خوێنبەربوون مەترسی بڵاوبوونەوەی ھەیە، بۆیە خەڵک دەبێت ھۆشیاربن و ڕێگاکانی خۆپارێزی بەکاربهێنن، ئێمەش لە ڤێتێرنەریی پارێزگای دھۆک بۆ بەرەنگاربوونەوەی تای خوێنبەربوون، چەند ڕۆژێکە دەستمان بە هەڵمەتی ئاژەڵ ڕشاندن کردووە و بۆ ئەم مەبەستە ١٨ تیممان پێکهێناوە، ھەروەھا داواکاریمان لە ھاووڵاتیان ئەوەیە کە بەھیچ شێوەیەک ئەو گۆشتانە نەخۆن کە ئاژەڵەکە مۆری سەربڕخانەکانی لەسەر نەدراوە و، گۆشتی سەر شەقامەکانیش نەکڕن". ڤێتێرنەری قەزای سێمێلی سەر بە پارێزگای دهۆک ئاماژە بەوە دەکەن کە هەرچەندە هیچ حاڵەتێکی تای خوێنبەربوون لە سنوورەکەیان تۆمار نەکراوە بەڵام ڕێژەیەکی زۆر لە ئاژەڵەکانی سنووری فەرمانگەکەیان ڕشاندووە وەک ڕێگرییەک لە بڵاوبوونەوەی تای خوێنبەربوون. کارمەند لە فەرمانگەی ڤێتێرنەریی قەزای سێمێل، ئەکرەم حەسیب لەمبارەیەوە بۆ ئاژانسی ئانادۆڵو گوتی: "لە ٢٠ نیسان، دەستمان بە ھەڵمەتی ڕشاندن و کوتانی ئاژەڵان کردووە، ئەوانەی کە ئاژەڵ بەخێو دەکەن، خۆیان دێن سەردانی فەرمانگەکەمان دەکەن و داوا دەکەن دەست بە ڕشاندنی شوێنی ئاژەڵەکانیان بکەین، ئێمەش بێ بەرامبەر ئەو کارانەیان بۆ دەکەین، ئەم ھەڵمەتەکە بەمەبەستی پاراستنی سەلامەتی و تەندروستیی خەڵکە، تا ئێستا حاڵەتی تای خوێنبەربوون نەگەیشتووەتە سنووری پارێزگای دھۆک، ئەم ھەڵمەتەش بۆ ئەوەیە چۆن بتوانین ڕێگریی لە بڵاوبوونەوەی تای خوێنبەربوون بکەین، چونکە ئێمە نزیک دەبینەوە لە جەژنی قوربان و دەزانین خواست زۆر لە سەر قوربانییکردن زیاد دەبێت، تا ئێستا لە سنووری قەزای سێمێل سەدا ٤٠ ی شوێنی بەخێوکردنی ئاژەڵانمان ڕشاندووە، ھەروەھا زۆربەی ئەوانەی ئاژەڵ بەخێو دەکەن، ئاژەڵەکانیان شۆردووە". هەڵەمەتەکە لە کاتێکدایە کە دوێنی شەممە ١٠ی ئایار تووشبوویەکی تای خوێنبەربوون کە ژنێکی تەمەن ٤٥ ساڵە و خەڵکی ناحیەی شێلادزێ سەر بە قەزای ئامێدی بوو، لە نەخۆشخانەیەکی دهۆک گیانی لەدەستدا.ڕۆژی ٢ی ئایاری ٢٠٢٥ یەکەم حاڵەتی تای خوێنبەربوون لە ھەرێمی کوردستان تۆمارکرا کە ھاووڵاتییەکی تەمەن ٤٢ ساڵەی خەڵکی قەزای کۆیەی سەر بە پارێزگای ھەولێر بوو، پیشەی گۆشتفرۆشە و لە ئێستاشدا تەندروستی جێگیرە. ئاژەڵداران بە پەرۆشەوە بە پیر ھەڵمەتەکەوە دەچن بۆ ئەوەی ھەم مەڕو ماڵاتەکانیان لە مەترسی نەخۆشییەکە بپارێزن ھەم خۆیان لە زیانە تەندروستییەکانی تای خوێنبەربوون بەدروور بگرن. لەمبارەیەوە، ئاژەڵدار، عەبدەلرەحمان مووسا بۆ ئاژانسی ئانادۆڵو گوتی: "تیمەکانی ڤێتێرنەریی دھۆک خۆیان ھاتن و دەستیان بە ھەڵمەتەکە کردووە کە ھەم ئاژەڵەکان بە دەرمان دەشۆردرێن، ھەم شوێنی بەخێوکردنیشیان دەرمانپڕژێن دەکرێت، داواکارین ساڵانە ئەم ھەڵمەتە بەردەوام بێت، چونکە ئەگەر ئەوە نەکرێت، نەخۆشییەکان بۆ مەڕداران و خاوەنەکانیان دەگوازرێتەوە". ( Muhammet Bamerni - ئاژانسی ئانادۆڵو )

وەزارەتی تەندروستی هەرێمی کوردستان ڕایگەیاند، حاڵەتێکی دیکەی تووشبوو بە تای خوێنبەربوون لە دەڤەری ڕانیە دەستنیشانکرا و باری تەندروستی جێگیرە.

ئەمشەو وەزارەتی تەندروستی ڕایگەیاند، حاڵەتێکی دیکە بە نەخۆشی تای خوێنبەربوون تۆمارکرا ئەویش پیاوێکی دانشتووی ناحیەی بۆسکین لە قەزای ڕانیەی دەڤەری ڕاپەرینە.

ڕوونیشیکردەوە کە تووشبووەکە تەمەنی 29 ساڵە، پیشەی ئاژەڵدارە و بەرکەوتەی ئاژەڵی تووشبوو بووە، دوای گومانلێکردن بە نەخۆشی تای خوێنبەربوون و بوونی نیشانەکانی و چەندین ڕێکاری دەستنیشانکردن و چارەسەری پزیشکی گیراوەتەبەر.

ڕاشیگەیاند ئێستا تووشبووەکە لەژێر چاودێری چڕ لە نەخۆشخانە خەوێندراوە و چارەسەر وەردەگرێت و تا ئێستا باری تەندروستی جێگیرە.

لە ڕاگەتەندراوەکەی وەزارەتی تەندروستیدا هاتووە: “داوا لە هاووڵاتیان دەکەین و جەخت دەکەینەوە لەسەر جێبەجێکردنی ڕێنماییەکانی وەزارەتی تەندروستی، لەکاتی بوونی گومان و نیشانەکانی نەخۆشی لەسەر ئاژەڵ پێویستە تیمەکانی ڤێترنەری ئاگاداربکەنەوە”.

دەشڵێت: “هاوڵاتیانی بەرکەوتووانی بەخێوکردنی ئاژەڵ یان بەرهەمەکانی ئاژەڵ لەکاتی بوونی هەر نیشانەیەکی ناتەندروست، بەخێرایی سەردانی نەخۆشخانەکان بکەن بێ دواکەوتن”.

وەزارەتی تەندروستی ڕاشیگەیاند، تا ئێستا دوای بوونی چەندین حاڵەتی گومانلێکراوی نەخۆشی تای خوێن بەربوون لە هەرێمی کوردستان وهاتنیان بۆ نەخۆشخانە و بەدواداچوون و پشکنین بۆ گومانلێکراوان لەماوەی دوو مانگی ڕابردوو، دەرەنجام تەنها چوار حاڵەت دەسنیشانکراون و پشتڕاستکراوەتەوە کە بەداخەوە حاڵەتێکیان لەبەر قورسی باری تەندروستی گیانی لەدەستدا و حاڵەتەکانی دیکە بەتەواوی چاکبوونەتەوە و لە نەخۆشخانە دەرچوون.

spot_img
spot_img

باوترینەکانی هەفتە

دەربارە

تۆڕی میدیایی خەڵك دامەزراوەیەكی ڕاگەیاندن و ڕووناكبیریی تایبەتی بێلایەنە بۆ سوودی گشتی، خاوەن كەسایەتییەكی مەعنەوی و سەربەخۆیی دارایی و كارگێڕی و لێهاتوویی خۆیەتی، بایەخدەدات بە كاروباری ڕاگەیاندنی ئەلیكترۆنی، پەخشی ڕادیۆ و تەلەفزیۆن و بەرهەمی میدیایی بەگشتی.

© Xelk Media Network. Developed by TeraTarget