کەشناسی هەرێم ڕایگەیاند، ئەمڕۆ ئاسمان ساماڵ و نیمچە هەور دەبێت، سبەینێ لەناوچە شاخاوییە سنووریەکانی باکوور ئەگەری کەمێک تاوە بارانی کەم هەیە.
کەشناسی هەرێم لە ڕاپۆرتی ئەمڕۆیدا بڵاویکردەوە: ئەمڕۆ دووشەممە، ئاسمان ساماڵ بۆ نیمچە هەور دەگۆرێت.
دەشڵێت: پلەکانی گەرما نزیک دەبێتەوە بەراورد بە تۆمارەکانی دوێنی وەک لە وێنەکەدا ئاماژەى پێکراوە.
باسی لەوەشکردووە: سبەینێ سێشەممە، ئاسمان لە نێوان هەور و نیمچە هەور دەبێت لەناوچە شاخاوییە سنووریەکانی باکوور ئەگەری کەمێک تاوە بارانی کەم هەیە. پلەکانی گەرما کەمێک بەرزتر دەبنەوە لە تۆمارکراوەکانی ئەمرۆ وەک لەخوارەوە ئاماژەى پێکراوە.
بەرزترین پلەکانی گەرمای شارەکانی هەرێم:
هەولێر: 40 پلەی سیلیزی
سلێمانی: 37 پلەی سیلیزی
دهۆک: 39 پلەی سیلیزی
کەرکوک: 42 پلەی سیلیزی
زاخۆ: 40 پلەی سیلیزی
هەڵەبجە: 39 پلەی سیلیزی
سۆران: 36 پلەی سیلیزی
حاجی ئۆمەران: 24 پلەی سیلیزی
گەرمیان: 44 پلەی سیلیزی