لە کاتێکدا دەنگۆی ئایفۆن ١٧ ئەیر دەتوانێت سەرنجێکی بەرچاو وەک تەنکترین ئایفۆن تا ئێستا کۆبکاتەوە، سازشکارییە ئەگەرییەکانی وەک کامێرای بچووکتر و تەمەنی پاتری کورتتر دەتوانێت زۆر کەس هان بدات بیر لە مۆدێلی داهاتووی پڕۆ بکەنەوە، کە پێدەچێت ناوی ئایفۆن ١٧ پڕۆ بێت، کە پێشتر بووەتە بابەتی قسە و باس، بەتایبەتی لەگەڵ نزیکبوونەوەی وادەی بڵاوکردنەوەی.
لە ماوەی چەند ساڵی ڕابردوودا کۆمپانیای ئەپڵ، بە بەردەوامی لە نیوەی یەکەمی مانگی ئەیلولدا ئایفۆنە نوێیەکانی خۆی ڕاگەیاند، پێدەچێت ئەمە بۆ تەواوی پێکهاتەی ئایفۆن ١٧ بێت، جگە لە ئایفۆن ١٧E کە دەکرێت لە سەرەتای ساڵی ٢٠٢٦دا بگاتە دەستمان.
بەپێی زانیارییەکان، پێکهاتەی ئایفۆن ١٧ دەتوانێت دواجار بێت کە بەدوای ئەم وادەی بڵاوکردنەوەیەدا بێت.
لە ئایفۆن ١٨ەوە، ئەپڵ پێکهاتەی ئایفۆنەکانی دابەش دەكات و لە نیوەی یەکەمی ساڵدا ئایفۆنە هەرزانەکان دەخاتە بازاڕەوە، لەکاتێکدا مۆدێلەکانی پڕۆ کە نرخیان بەرزترە لە کۆتایی ئەمساڵدا بەردەست دەبن.
بەرزبوونەوەی نرخ
دۆناڵد ترەمپ لە مانگی شوباتی ساڵی ڕابردووەوە چەندین جار باجەکانی بەرزکردووەتەوە و دابەزاندووە و ڕایانگرتووە، کە هەموو ئەمانە کاریگەرییان لەسەر نرخی ئایفۆن ١٧ هەیە.
کۆمپانیای ئەپڵ، کە ڕەنگە بەشێکی بەرچاو لە بەرهەمهێنانی ئایفۆنی ئەمریکی لە چینەوە بگوازێتەوە بۆ هیندستان، بەهۆی لیستی لێخۆشبوونی بەرامبەر بە گومرگی، کە زۆرێک لە مۆبایل و لاپتۆپ و ئەلیکترۆنیاتی دیکەی کۆمپانیاکە لەخۆدەگرێت، خۆی لە زۆر زیادکردنی باج بەدوور گرتووە.
بەڵام پێدەچێت هەموو ئەم لێخۆشبوونانە کاتی بن، بۆیە ڕەنگە باجەکان کاریگەری لەسەر نرخەکان هەبێت تا ئەو کاتەی ئایفۆن ١٧ بڵاودەکرێتەوە.
دیزاینکردنەوەی کامێرا
کامێرای ئایفۆن ١٧ پرۆ بووەتە جێگەی قسە و باسێکی زۆر، دیارترینیان ئەگەری زیادکردنی باری کامێرای ئاسۆیی ئەپڵ کە پانایی مۆبایلەکە دەگرێتەوە.
هەروەها پێدەچێت کامێرای سێڵفی ڕووبەڕووی پێشەوەی نوێکردنەوەی بۆ بکرێت. تەنانەت هەندێک وێنە بڵاوکراونەتەوە، کە ئاماژە بەوە دەکەن مۆبایلەکە ڕەنگە بارێکی کامێرای لە شێوەی حەبدا هەبێت، هاوشێوەی ئەو بارەی کە لە گووگڵ پیکسڵ ٩دایە.
ئەمەش پرسیاری لێکەوتەوە، کە ئایا ئایفۆن ١٧ پڕۆ سێ عەدەسەی کامێراکە بە یەک ڕیز ڕێکدەخات یان بە دیزاینێکی هەرەمی ڕێکیان دەهێڵێتەوە، وەک چۆن لە ئایفۆن ١٦ پڕۆدا هەیە.
سەبارەت بە وێنەی سێڵفی، کامێرای پێشەوەی مۆبایلەکە لە ١٢ مێگاپێکسڵەوە بۆ ٢٤ مێگاپێکسڵ لە سەرجەم مۆدێلەکانی ئایفۆن ١٧ بەرز دەکرێتەوە.
نوێکردنەوەی شاشە
دوای ئەوەی ڕەخنەی بەرفراوان لە شکستی ئەپڵ لە نوێکردنەوەی شاشەی ٦٠ هێرتز لەسەر ئایفۆن ١٦ و ١٦ پڵەس گیرا، دەنگۆی بوونی شاشەی ١٢٠ هێرتز لەسەر هەموو مۆدێلەکانی ئایفۆن ١٧ دەتوانێت هەواڵێکی خۆش بێت.
هەروەها یەکێک لە تایبەتمەندییەکان کە پێدەچێت لە مۆدێلە نوێیەکانی ئایفۆن ١٧ پڕۆدا نەیبینیت، شاشەی دژە ڕەنگدانەوەیە، کە وەک یەکێک لە باشترین تایبەتمەندییەکانی مۆبایلی ڕکابەری سامسۆنگ گالاکسی ئێس ٢٥ ئەلترا وەسف کراوە.
زاكیرەی خەزن كردن
پێدەچێت زیرەکی دەستکرد ڕۆڵێکی گەورەتر لە ئایفۆن ١٧ بگێڕێت، بۆ پشتگیریکردنی تایبەتمەندییە نوێیەکان توانای ڕامی سەرجەم مۆدێلەکانی ئایفۆن ١٧ دەگاتە ١٢ گێگابایت.
تەمەنی پاتری
لە کاتێکدا ڕەنگە ئایفۆن ١٧ ئەیر ناچار بێت تەمەنی پاتری کەم بکاتەوە بۆ ئەوەی دیزاینێکی تەنکتر لەخۆبگرێت، بەڵام دەنگۆی ئەوە هەیە، کە ئایفۆن ١٧ پڕۆ پێدەچێت پاترییەکی بەهێزتری هەبێت و پێدەچێت چیپی نوێی ئەپڵ A19 Pro ی تێدابێت، کە کارایی باشتر و تەمەنی پاتری درێژتر پێشکەش دەکات.