بەڕێوەبەرایەتی نەوت و کانزاکانی هەڵەبجە ڕایدەگەیەنێت، بەهۆی نەهاتنی نەوت لەلایەن حكومەتی فیدڕاڵییەوە، دابەشكردنی نەوت ڕاگیراوە.
ساڵانە حكومەتی عێراق لەدوای مانگی 10ەوە دەست بە دابەشكردنی نەوت دەكات و دواتر نزیكەی 50 ملیۆن لیتر نەوت بۆ هەرێم دەنێرێت، بەڵام تەنها بەشی ناوچە شاخاوییەكان دەكات و ئەو پڕۆسەیە تاوەكو كۆتایی مانگی 4 بەردەوام دەبێت و دواتر دەوەستێت.
بەڕێوەبەرایەتی نەوت و کانزاکانی هەڵەبجە لە ڕاگەیەنراوێكدا ئاماژەی بەوەكردووە، ئەو بڕە نەوتەی بۆمان دابینکرابوو لە لایەن حکومەتی عراقی فیدڕاڵەوە ڕاگیراوە.
ڕاشیگەیاندووە، هاووڵاتیان دلنیا دەکەینەوە لە ئەگەری هاتنی هەر بڕە نەوتێک ئاگادارتان دەکەین.
دەشڵێت: تکایە پێویست ناکات چیتر بەرمیل لە ناو کۆڵانەکان بمێنێت.