نەزۆكی لە پیاواندا چییە؟

نەزۆكی لە پیاواندا (یان نەزۆكی نێرینە) بریتییە لە نەتوانینی پیاو بۆ دروستكردنی سكپڕبوون یان منداڵبوون.

نەزۆكی نێرینە چییە؟
دكتۆر كاوە فەقێ‌ ڕەحیم، دكتۆرا (بۆردی) بەریتانی لەنەشتەرگەری گورچیلە و میزەڕۆ و نەزۆكی پیاوان دەڵێت: كاتێك پیاوێك لە ماوەی ساڵێكی هاوسەرگیری و پەیوەندی سێكسی بەردەوام بەبێ بەكارهێنانی ڕێگرەكانی دووگیانبوون، ناتوانێت هاوسەرەكەی دووگیان بكات، ئەوە پێی دەوترێت نەزۆكی.

دەشڵێت: نزیكەی 40-50٪ی حاڵەتەكانی نەزۆكی پەیوەندییان بە فاكتەرەكانی پیاوانەوە هەیە.

بە وتەی ئەو پزیشكە، هۆكارە سەرەكییەكانی نەزۆكی لای پیاوان ئەمانەن:
1. كێشەكانی تۆو:
– كەمی ژمارەی سپێرمەكان
– لاوازی جووڵەی سپێرمەكان
– شێوەی نائاسایی سپێرمەكان
– نەبوونی سپێرم لە شلەی مەنیدا

2. گرفتەكانی سیستەمی زاوزێ:
– ڤاریكۆسیل (ئاوسانی دەمارەكانی گون)
– گرفتی لە ڕێڕەوەكانی تۆودا
– نەبوونی یان گرفتی لەدایكبوونی گونەكان
– هەوكردنی پرۆستات یان گون

3. هۆكاری هۆرمۆنی:
– هاوسەنگی نەبوونی هۆرمۆنەكان وەك تێستۆستیرۆن
– گرفتی غودەی پیتیوتاری یان هایپۆپالەمەس

4. هۆكارەكانی ژینگە و شێوازی ژیان:
– جگەرەكێشان و ئەلكهول
– بەكارهێنانی دەرمان و ماددە هۆشبەرەكان
– قەڵەوی
– گەرمبوونی زۆری گونەكان
– ستریس و گوشاری دەروونی

5. نەخۆشی یان بارودۆخی تەندروستی:
– نەخۆشی شەكرە
– هەندێك جۆری نەخۆشی دەمارەكان
– هەوكردنی ڤایرۆسی وەك مەمرەكان
– نەشتەرگەریی پێشوو لە ناوچەی گون یان سیستەمی زاوزێ

چارەسەرەكان:
– دەرمان بۆ ڕێكخستنی هۆرمۆنەكان
– چارەسەركردنی هەوكردنەكان
– نەشتەرگەریی چاككردنەوەی ڤاریكۆسیل
– گۆڕانكاری لە شێوازی ژیاندا
– تەكنەلۆژیای یارمەتیدانی زاوزێ وەك IVF یان ICSI
– لە هەندێك حاڵەتدا، بەكارهێنانی سپێرمی بەخشەر

دكتۆر كاوە فەقێ‌ جەختیشی كردۆتەوە، گرنگە پیاوان سەردانی پزیشكی تایبەتمەند (یورۆلۆجیست) بكەن بۆ دیاریكردنی هۆكاری دروست و پلانی چارەسەری گونجاو.