تاوەباران و هەورە بروسکە دەستپێدەکاتەوە

کەشناسی هەرێم ڕایگەیاند، لە سبەینێ دووشەممە کەشی نا سەقامگیر ڕوو لە هەرێمی کوردستان دەکاتەوە و تاوەباران و هەورە بروسکە دەستپێدەکاتەوە، پلەکانی گەرماش ڕوو لە نزمبوونەوەی بەرچاو دەکەن<

بەپێی ڕاپۆرتی کەشناسی هەرێم، ئەمڕۆ یەکشەممە، ئاسمان ساماڵ و پەڵە هەور دەبێت، لە ناوچە شاخاوییەکان هەورى زیاتر دەبێت.

باسی لەوەشكرد: سبەینێ دووشەممە، ئاسمان نیمچە هەور دەبێت بەگشتى، لە ئەنجامى دروست بوونى ناجێگیریەک لەسەر ناوچەکەمان ئەگەرى تاوەباران لە سەر بەشێک لە ناوچە شاخاوییەکان هەیە بەشێوەى نمە بارانی پچڕ پچڕ و هەندێ کات هەورە تریشقەى لەگەڵ دەبێت.

ئەوەشی وتووە: لەگەڵ ئەم ناجێگیریە لەکەشدا ئەگەرى زیادبوونى خێرایی با هەیە کە هەندێ کات بەرزبوونەوەی تۆز و خۆڵى لەگەڵدا دەبێت، ئەگەرى بارانبارین لەسەر سنوورى ناوچە شاخاوییەکانى پارێزگاى دهۆک و سلێمانى زیاتر دەبێت.

دەشڵێت: پلەکانی گەرما نزم دەبێتەوە بە دوو بۆ پێنج پلەى سیلیزى لە تۆمارکراوەکانی ئەمڕۆ وەک لە خوارەوە ئاماژەیان پێدراوە.

بەرزترین پلەکانی گەرمای پێشبینیکراو بە پلەی سیلیزی:

هەولێر: 32 پلەی سیلیزی

سلێمانی: 30 پلەی سیلیزی

دهۆک: 30 پلەی سیلیزی

کەرکوک: 34 پلەی سیلیزی

زاخۆ: 31 پلەی سیلیزی

هەڵەبجە: 30 پلەی سیلیزی

سۆران: 29 پلەی سیلیزی

حاجی ئۆمەران: 19 پلەی سیلیزی

گەرمیان: 36 پلەی سیلیزی