تەندروستی یەکەم حاڵەتی تووشبوون بە تای خوێنبەربوونی لە هەرێم پشیتتڕاستکردەوە و دەڵێت”هاووڵاتیەکە دانیشتوی کۆیەیە”.
دکتۆر سەرکار سورچی، وتەبێژی وەزارەتی تەندروستی حکوومەتی هەرێمی کوردستان رایگەیاندووە، ئەمڕۆ یەکەم حاڵەت بە نەخۆشی تای خوێنبەربوون لە هەرێمی کوردستان تۆمارکرا ئەویش هاوڵاتییەکی شاری ( کۆیە ) یە ، تەمەنی ( 42 ) ساڵە و پیشەی گۆشتفرۆشە .
ئاماژەی بەوەشداوە، ئەو هاووڵاتییە لە ئێستادا لە نەخۆشخانەیەکی شاری هەولێر چارەسەری پزیشکی وەردەگرێت و دۆخی تەندروستی تا ئێستا جێگیرە.
د. سەرکار داوایش دەکات و دەڵێت، داوا لە هاووڵاتیان دەکەین و جەخت دەکەینەوە لەسەر جێبەجێکردنی ڕێنماییەکانی وەزارەتی تەندروستی،لەکاتی هەبوونی نیشانەکانی نەخۆشی لەسەر ئاژەڵ پێویستە تیمەکانی ڤێترنەری ئاگاداربکەنەوە، وە یان هاووڵاتیانی بەرکەوتووانی بەخێوکردنی ئاژەڵ یان بەرهەمەکانی ئاژەڵ لەکاتی بوونی هەر نیشانەیەکی ناتەندروست، سەردانی نەخۆشخانەکان بکەن.