پارێزگاری کەرکوک و سەرۆکی لیژنەی باڵای ئەمنی، رێکارەکانی گواستنەوەی هەردوو بازگەی چیمەن و دارەمانی دەستپێکرد.
ڕێبوار تەها، پارێزگاری کەرکوک بڵاویكردەوە، بەشێوەیەکی مەیدانی لە قەرەنجیر و پردێ، سەردانی ئەو شوێنانەی کردووە، کە هەردوو بازگەی چیمەن و دارەمانی بۆ دەگوازرێنەوە.
ڕاشیگەیاندووە، هەر لەو سەردانە مەیدانیەدا بازگەی مەفرەقی شوانی بەسەرکردەوە و فەرمانی کرد بازگەکە هەڵبگیرێت و لایەنە پەیوەندیدارەکانی ڕاسپارد ڕێکارەکان دەستپێبکەن.