سەرۆکی یەکێتی وەبەرهێنەرانی کوردستان – سلێمانی پەیامێک بەبۆنەی بەپارێزگابوونی هەڵەبجە بڵاودەکاتەوە و دەڵێت” ئەمرۆ لەهەڵەبجەییەكان و گشت كوردێك پیرۆز دەكەین”.
یاسین مەحمود ڕەشید سەرۆکی یەکێتی وەبەرهێنەرانی کوردستان- سلێمانی، ئەمڕۆ 14ـی نیسانی 2025، بەبۆنەی بەپارێزگابوونی هەڵەبجە پەیامێکی بڵاوکردەوە و دەڵێت” سوپاس بۆ خودا، هەڵەبجە بووە پارێزگا، ئومێدێكی تری ئاوەدانی بۆ هەڵەبجەییەكان هاتەدی. ئەمرۆ لەهەڵەبجەییەكان و گشت كوردێك پیرۆز دەكەین”.
ئاماژەی بەوەشداوە، بەپارێزگا بوونی هەڵەبجە دەرفەتێکی گرنگە بۆ بوژانەوە و ئاوەدانی زیاتر و لا کردنەوەی وەبەرهێنەران لەو شارە ئازیزە.
یاسین مەحمود جەختیشدەکاتەوە، باوەڕمان وایە، ئەو پرۆژانەی لەدوای بە پارێزگا بوونی هەڵەبجە لە بواری وەبەرهێناندا دەست پێدەکەن، كەڵكی ئابووری گونجاو و شیاوی دەبێت.
سەرۆکی یەکێتی وەبەرهێنەرانی کوردستان – سلێمانی، پەیامێکیش ئاڕاستەی حکومەتی هەرێم دەکات و دەڵێت” داوا لەحكومەتی هەرێمی كوردستانیش دەكەین ئاسانكاری زیاتر بكات تا پرۆژە ستراتیجییەكان لەگشت بوارەکاندا، بەتایبەت کشتوکاڵ بکاتە پێشینەی کارەکانی و هەڵەبجە بکاتە سەبەتەی خۆراکی هەرێم و عێراق و جیهان”.
دەقی پەیامەکەی یاسین مەحمود ڕەشید سەرۆکی یەکێتی وەبەرهێنەرانی کوردستان – سلێمانی:
سوپاس بۆ خودا، هەڵەبجە بووە پارێزگا، ئومێدێكی تری ئاوەدانی بۆ هەڵەبجەییەكان هاتەدی.
ئەمرۆ لەهەڵەبجەییەكان و گشت كوردێك پیرۆز دەكەین.
بەپارێزگا بوونی هەڵەبجە دەرفەتێکی گرنگە بۆ بوژانەوە و ئاوەدانی زیاتر و لا کردنەوەی وەبەرهێنەران لەو شارە ئازیزە.
باوەڕمان وایە، ئەو پرۆژانەی لەدوای بە پارێزگا بوونی هەڵەبجە لە بواری وەبەرهێناندا دەست پێدەکەن، كەڵكی ئابووری گونجاو و شیاوی دەبێت.
داوا لەحكومەتی هەرێمی كوردستانیش دەكەین ئاسانكاری زیاتر بكات تا پرۆژە ستراتیجییەكان لەگشت بوارەکاندا، بەتایبەت کشتوکاڵ بکاتە پێشینەی کارەکانی و هەڵەبجە بکاتە سەبەتەی خۆراکی هەرێم و عێراق و جیهان.
یاسین مەحمود ڕەشید سەرۆکی یەکێتی وەبەرهێنەرانی کوردستان – سلێمانی ١٤/٤/٢٠٢٥